RFL
Kigali

U Rwanda rwisanze mu gakangara ka kane muri tombola y’Igikombe cy'isi

Yanditswe na: SAFARI Garcon
Taliki:27/12/2019 14:43
1


Impuzamashyirahamwe y’umupira w’amaguru ku isi (FIFA), yasohoye uburyo amakipe azaba agabanyije mu dukangara muri tombola y’ijonjora rya kabiri ryo gushaka itike y’Igikombe cy’isi kizabera mu mijyi itandukanye igize igihugu cya Qatar muri 2022.



U Rwanda rwasoje umwaka ruri ku mwanya wa 131, rwashyizwe mu gakangara ka kane nk’uko bigaragara mu buryo iyi tombora izakorwamo, bwashyizwe hanze na FIFA.  Muri iyi tombola y’amatsinda, ibihugu bizagabanywa mu matsinda 10, aho rimwe rizaba rigizwe n’ibihugu bine, bizatangira gukina muri Werurwe 2020.

Ibihugu 10 bya mbere muri ayo matsinda bizahura hagati yabyo na bwo hagendewe ku buryo bihagaze ku rutonde ngarukakwezi rwa FIFA, ubwo bizaba ari bitanu bihagaze neza mu gakangara ka byo ndetse na bitanu biri hasi mu kandi, ubundi byishakemo bitanu bibona itike y’Igikombe cy’Isi cya 2022 kizabera muri Qatar nyuma yo gukina umukino ubanza n’uwo kwishyura.

Bibayeho amakipe yombi akanganya ibintu byose nyuma y’imikino yombi, hashyirwaho umukino wa gatatu wabera ku kibuga cyihariye.

Uko ibihugu bigabanyijwe mu dukangara:

Agakangara ka mbere: Sénégal, Tunisie, Nigeria. Algérie, Maroc, Ghana, Misiri, Cameroun, Mali na Repubulika Iharanira Demokarasi ya Congo.

Agakangara ka kabiri: Burkina Faso, Afurika y’Epfo, Guinée, Uganda, Cap Vert, Gabon, Bénin, Zambie, Congo na Côte d’ivoire.

Agakangara ka gatatu: Madagascar, Mauritanie, Libye, Mozambique, Kenya, Centrafrique, Zimbabwe, Niger, Namibie na Guinée Bissau.

Agakangara ka kane: Malawi, Angola, Togo, Sudani, u Rwanda, Tanzanie, Guinée Équatoriale, Ethiopie, Liberia na Djibouti.

Iyi tombola y’amatsinda izabera ku cyicaro cy’Impuzamashyirahamwe y’Umupira w’Amaguru muri Afurika (CAF) giherereye i Cairo mu Misiri tariki ya 21 Mutarama 2020.

Izakorwa hagendewe ku myanya amakipe yasorejeho uyu mwaka wa 2019, ku rutonde ngarukakwezi rwa FIFA, aho uruheruka rwasohotse 19 Ukuboza 2019.


U Rwanda rushobora kuzajya mu itsinda ritoroshye mu gushaka itike y'igikombe cy'isi cya 2022


Abafana b'ikipe y'igihugu Amavubi bakumbuye kubona ikipe yabo igera kure mu mikino mpuzamahanga





TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Tuyishime jerome4 years ago
    Njyewembo mumajonjora yigikombecyisi amavubiyacu azakora akazi Sugira erinesite nabagenzibe bazashwanyaguza amakipe murakoze.





Inyarwanda BACKGROUND