Airtel Rwanda
Kigali

Kazakhstan: Abantu 14 baguye mu mpanuka y’indege

Yanditswe na: Liliane Kaliza
Taliki:27/12/2019 9:22
0

Abantu bagera kuri 14 nibo baguye mu mpanuka y'indege yari itwaye abantu hafi 100 mu gihugu cya Kazakhstan nk'uko bitangazwa n'abashinzwe ingendo z'indege muri icyo gihugu.



Bavuga ko iyo ndege Bek Air yagize ikibazo haciye akanya gato igurutse ivuye ku kibuga cy'indege cya Almaty. Abagera kuri 60 harimo n’abana bato bakomeretse ubu bari gukurikiranwa n’abaganga

Umunyamakuru wa Reuters wari hafi y'aho iyo mpanuka yabereye avuga ko habonetse imyotsi myinshi mbere yuko indege igwa ariko icyateye iyi mpanuka ntikiramenyekana.

Amakuru avuga ko iyo ndege yataye inzira saa moya n'iminota 22 zo muri iki gitondo, mbere y'uko igonga umunara, irangije ihita igwa ku nzu y’amagorofa abiri.

Bavuga ko 14 ari bo baguye muri iyo mpanuka abandi bagakomereka, gusa ngo iyi siyo mpanuka ya mbere ibaye muri iki gihugu kuko Ku wa 29 z'ukwa mbere 2013, indege yari ivuye Kokshetau nayo yaraguye  ihitana abantu 20.

Ukwezi kumwe mbere y'aho, abantu 27 barapfuye igihe indege ya gisirikare nabwo yagwaga mu majyepfo y’icyo gihugu.

Src: Reuters






TANGA IGITECYEREZO

Izina ryawe
Email yawe
Andika igitecyerezo

Inyarwanda Art studio
Inyarwanda BACKGROUND