Mu mukino wari ukomeye cyane wo ku munsi wa 14 wa shampiyona, wabereye kuri Stade ya Kigali wahuje Rayon Sports na Mukura VS, warangiye Rayon Sports inyagiye Mukura ibitego 5-1, itanga ubutumwa kuri mukeba bazakina tariki 21/12/2019, mu gihe Kiyovu Sport itamerewe neza yatakaje umukino wa 4 ukurikirana nyuma yo gutsindwa na Police FC.
Niumukino wahiriye cyane abakinnyi ba Rayon Sports kuko bayoboye umukino iminota
90 y’umukino, baruishije Mukura guhererekanya neza mu kibuga ndetse no kurema
amahirwe avamo ibitego.
Umukino
watangiye Rayon Sports irusha cyane Mukura VS kubonana neza mu kibuga hagati,
itangira isatira izamu ryari ririnzwe na Edouard wicaje Bikorimana Gerard kuri
uyu mukino. Mukura yakangutse ku munota wa munami itangira nayo guhererekanya
neza, inagerageza ishoti rya mbere rigana mu izamu rya Kimenyi Yves.
Ku
munota wa Cyenda Niyonkuru Ramadhan yateye umutambiko w’izamu ku mupira
yateresheje ukuguru kw’ibumoso nyuma yo gucenga ubugarizi bwa Rayon Sports.
Ku
munota wa 14, uburyo bwa kabiri iyi kipe yo mukarere ka Huye yari igerageje
gutera mu izamu yabonye igitego
cyabonetse ku mupira w’umuterekano (Coup Franc) watewe na Gael Duhayindavyi,
Imran Nshimiyimana agiye kuwukuramo awushyira mu izamu.
Rayon
Sports ntiyacitse intege kuko yakomeje gukina neza, ikomeza no gusatira cyane
izamu rya Mukura.
Ku
munota wa 37 Michael Sarpong yatsinze igitego cyo kwishyura yatsindishije
umutwe ku mupira wari uhinduwe neza na Rutanga Eric, nyuma yo guhererekanya umupira
neza hagati ya Yannick Bizimana na Rutanga.
Ku
munota wa 43 Bizimana Yannick yatsindiye Rayon Sports igitego cya kabiri, ku
mupira w’umuterekano watewe neza na Rutanga Eric ukubita igiti cy’izamu uvamo
usanga Yannick aho yari ahagaze ahita awusubizamo atsinda igitego cya kabiri
cya Rayon Sports.
Iminota
45 y’igice cya mbere yarangiye Rayon Sports iyoboye umukino ku kinyuranyo cy’ibitego
2-1.
Igice
cya kabiri cyatangiye n’ubundi Rayon Sports ishaka kongera umubare w’ibitego,
dore ko nta buhumekero bigeze baha ikipe ya Mukura.
Ku
munota wa 66 w’umukino Yannick Bizimana yatsinze igitego cya Gatatu cya Rayon
Sports nyuma y’uburangare bwa ba myugariro ba Mukura Victory Sports bwagize ngo
Yannick yaraririye ariko umusifuzi Nkinzingabo JMV avuga ko nta kurarira
kwabayeho.
Nyuma
gato y’iminota ibiri ku munota wa 68’ ku ikosa ryakozwe n’umunyezamu wa Mukura
Iratugenera Edourd waherejwe umupira ariko ntawufate ngo awukomeze akawurekura,
Michael Sarpong wari hafi aho yahise atsinda igitego cya kane cya Rayon Sports,
cyari icya kabiri atsinze muri uyu mukino.
Ku
munota wa 90 w’umukino Omar Sidibe mu ntambwe 25 yateye ishoti rikomeye cyane,
atsinda igitego cya Gatanu cya Rayon Sports. Umukino warangiye iyi kipe yambara
ubururu n’umweru itahukanye intsinzi y’ibitego 5-1 inyagiye Mukura, yishyira mu
mwanya mwiza wo gutegura umukino ukomeye uzayihuza na APR FC tariki 21/12/2019.
Gutsinda
uyu mukino bifashije Rayon Sports kuguma ku mwanya wa kabiri, aho kuri ubu
yagize amanota 31, ikaba irushwa na APR FC ya mbere amanota atatu, bikaba
binakomeza umukino uzabahuza.
SC
Kiyovu 1-3 Police FC
Ikipe
ya Kiyovu Sport y’umutoza Burucaga ntimerewe neza muri iyi minsi kuko iheruka
intsinzi mu Ugushyingo ubwo yatsindaga Bugesera FC ibitego 5-2, guhera icyo gihe
iyi kipe bitirira Urucaca itsindwa umusubirizo kuko imikino ibaye 4 nta
ntsinzi.
Kuri
iki cyumweru yakinaga na Police FC, umukino wabereye kuri Stade Umumena ariko
ukaba warangiye itsinzwe ibitego 3-1.
Abakinnyi
11 babanjemo ku mpande zombi:
Rayon Sports Xl:
Kimenyi Yves, Iradukunda Eric, Ndizeye Samuel, Rugwiro Herve, Rutanga Eric (c),
Nshimiyimana Amran, Oumar Sidibe, Ciza Hussein, Yannick Bizimana, Iranzi Jean
Claude na Michael Sarpong.
Mukura VS Xl:
Iratugenera Edouard, Hassan Rugirayabo, Senzira Mansour, Ngirimana Alex, Olih
Jacques, Ramadhan Niyonkuru, Gael Duhayindavyi , Ndizeye Innocent, Muniru,
Ntwari Evode na Iradukunda Jean Bertrand.
Eric Rutanga yatanze imipira ibiri yavuyemo ibitego muri uyu mukino
Sarpong Michael yatsinze ibitego bibiri muri uyu mukino
Dore uko umunsi wa 14 muri ‘Rwanda
Premier League’ wagenze
Ku wa Gatandatu tariki 14 Ukuboza 2019
Gasogi
United 1-1 AS Kigali
Heroes
FC 0-1 APR FC
Gicumbi
FC 1-2 Bugesera FC
Ku Cyumweru tariki 15 Ukuboza 2019
Rayon
Sports FC 5-1 Mukura VS
Musanze
FC 0-0 Etincelles FC
SC
Kiyovu 1-3 Police FC
Sunrise
FC 1-1 Marines FC
Espoir
FC vs AS Muhanga
TANGA IGITECYEREZO