REG BBC na Patriots BBC niyo makipe amaze kugaragaza ko arusha andi makipe bahanganye ku buryo bugaragara muri basketball nyarwanda, ntagitunguranye ni yo yatsindiye gukina umukino wa nyuma w’irushanwa ribanziriza Shampiyona ya Basketball y’umwaka utaha, ryatewe inkunga na Banki ya Kigali "BK Preseason", uteganyijwe kuri uyu wa Gatanu.
Aya
makipe akaba yabigezeho nyuma yo kwitwara neza mu mikino ya ½ yabaye kuri uyu
wa Kane muri Petit Stade i Remera, aho Patriots yasezereye ESpoir BBC ku
kinyuranyo cy’amanota 89-63, mu gihe REG BBC nayo yasezereye APR BBC iyitsinze
amanota 77-70.
Mu
mukino wabanje saa 19:00, Patriots BBC yahuye na Espoir BBC zari kumwe mu itsinda
rya mbere, maze iyitsinda ku nshuro ya kabiri amanota 89-63. Patriots BBC
yagaragaje urwego ruri hejuru mu gace ka mbere, igatsinda ku manota 23-7 mu
gihe Espoir BBC na yo yatsinze agace ka kabiri kuri 25-17, amakipe yombi ajya
kuruhuka harimo ikinyuranyo cy’amanota umunani (40-32).
Mu
gace ka gatatu Patriots yazamuye amanota kuko karangiye hamino ikinyuranyo cy’amanota 17 (64-47) mu gihe
umukino warangiye hagezemo ikinyuranyo cy’amanota 26 (89-63).
Mukama
Jean Victor uheruka gusinyira Patriots BBC avuye muri Canada, ni we watsinze
amanota menshi muri uyu mukino (23) mu gihe Kasasa Bobo wa Espoir BBC
yatsinzemo 17.
Mu
wundi mukino wakurikiyeho, REG Basketball yatsinze APR BBC amanota 77-70.
REG
BBC yayoboye uduce twose twumukino byari bigoye ku basore ba APR BBC kuza kuva
imbere y’iyi kipe iheruka kwegukana igikombe cy’irushanwa ry’agaciro aho
yahigitse Patriots BBC bahora bahanganye.
Muri
uyu mukino Sangwe Armel yatsindiye APR BBC amanota 23, mu gihe Beleck Bell wa
REG BBC yatsinze amanota 15.
Kuri
uyu wa Gatanu irushanwa rirakomeza mu cyiciro cy’abagore, aho The Hoops ikina
na Ubumwe WBBC saa 18:00 mu gihe umukino wa nyuma mu bagabo uba guhera saa
20:00 muri Petit Stade hagati ya REG BBC na Patriots BBC.
Ejo
ku wa Gatandatu, abagore bazongera bakine, Ubumwe ihure na RP IPRC Huye WBBC
guhera saa 15:00 muri Petit Stade mu gihe APR WBBC izakina na The Hoops guhera
saa 17:00.
Kwinjira
kuri iyi mikino yombi irimo n’umukino wa nyuma ni 1000 mu myanya isanzwe na 3000
Frw mu myanya y’icyubahiro.
Patriots ishaka gutwara iri rushanwa ngo yisubize icyubahiro yatsinze Espoir BBC
Umukino uhuza REG na Patriots uba ari ishiraniro
TANGA IGITECYEREZO