RFL
Kigali

Miss Umunyana Shanitah ku rutonde rw'abakobwa bahabwa amahirwe muri Miss Supranational 2019

Yanditswe na: Muvunyi Arsene
Taliki:19/11/2019 10:57
1


Umunyana Shanitah uhagarariye u Rwanda mu irushanwa rya Miss Supranational 2019 ari mu bakobwa 20 bahabwa amahirwe yo kwegukana ikamba.



Ikinyamakuru cya Missosology gikora ubusesenguzi ku marushanwa atandukanye y’ubwiza abera ku Isi gikora urutonde rw’abakobwa 20 giha amahirwe yo kuba bavamo uwegukana ikamba n’ibisonga bye.

Ni urutonde rudakunze kunyurana cyane n’ibitangazwa ku munsi wa nyuma w’irushanwa nk’uko byagiye bigaragara mu marushanwa yabanje.

Ku rutonde rwa mbere bakoze ku bakobwa bari mu irushanwa rya Miss Supranational 2019, umunyarwandakazi Umunyana Shanitah agaragara mu bakobwa 20 aho ari ku mwanya wa 16.

Uru rutonde rw’abakobwa bahabwa amahirwe ruyoboye na  Anntonia Porsild uhagarariye Thailand, agakurikirwa na  Hana Vagnerova wo muri Czech Republic,  Shaleyka Velez wo muri Puerto Rico, Kamila Swierc  wo muri Poland na Jesica Fitriana Martasari wo muri Indonesia nibo bari muri batanu ba mbere.

Umunyana Shanitah agiye Poland afite akandi karusho ko kuba yaragaragaye mu bakobwa 16 bitwaye neza mu irushanwa ryo kuri interineti rya Miss Supranational Influencer 2019.

Abakobwa bagera kuri 80 bitabiriye iri rushanwa bakomeje kugera muri Pologne na Umunyana Shanitah yaraye agiye mu ijoro ryo kuri uyu wa 18 Ugushyingo 2019. Yavuze ko yifitiye icyizere cyo guhesha ishema u Rwanda.

Miss Supranational ni rimwe mu marushanwa y’ubwiza akomeye rikaba rigiye kuba ku nshuro ya 11. Abakobwa baryitabiriye bazacumbikirwa muri Hoteli yitwa Ossa Congress &Spa ifite ibyumba 522.

Ni ku nshuro ya cyenda u Rwanda rwitabiriye iri rushanwa aho mu 2011 rwaserukiwe na Uwamahoro Yvonne, mu 2012 hajyayo Simbi Sabrina wabaye Miss Personality, Miss Mutesi Aurore yitabira mu 2013, Umwali Neema Larissa ajyayo mu 2014, Gisa Sonia mu 2015 aba Miss wa Afurika, Akiwacu Colombe mu 2016 , Habiba Ingabire mu 2017 na Uwase Clementine mu 2018.

Mu rutonde umwaka wa 2018 rw’uko ibihugu birushanwa mu irushanwa rya Miss Supranational  rwakozwe na Global Beauties, u Rwanda ruri ku mwanya wa 53 n’amanota 2,1, Umunyana Shanitah akaba asabwa gukora iyo bwabaga kugira ngo yongere amanota. 

Urutonde rw'abakobwa 20 bahabwa amahirwe muri Miss Supranational 2019

Umunyana Shanitah yamaze kuva mu Rwanda yitabiriye Miss Supranational





TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • kiki4 years ago
    courage, mukobwa wacu





Inyarwanda BACKGROUND