RFL
Kigali

AMAFOTO y’ubusitani bwizihiye ijisho bw’Umujyi wa Kigali bwatwaye Miliyoni 226 Frw

Yanditswe na: Janvier Iyamuremye
Taliki:6/11/2019 6:41
2


Amezi icumi arenzeho iminsi micye Umujyi wa Kigali utangiye gutunganya ubusitani bwizihiye ijisho. Imbere y’inyubako y’Umujyi wa Kigali, guhera kuri uyu wa Mbere buri wese arahanyura anagaho ijisho yibaza byinshi kuri ubu busitani buharimbishijwe.



Ijoro n’amanywa abasore, inkumi n’abubatse ingo barasizanira kurimbisha ubu busitani bwatanzweho Miliyoni 226 (226,143,904 Rwf). INYARWANDA yasuye ubusitani bw’Umujyi wa Kigali ku gicamunsi cy’uyu wa kabiri tariki 05 Ugushyingo 2019.

Ni ubusitani rusange bwagutse buri ku buso bw’ 1 072. Bwubatse hejuru y’inzu igizwe n’inkingi zirenga 10 irimo inyandiko zitandukanye z’Umujyi wa Kigali, kujyayo wifashisha esikariye umeze nk’umanuka munsi.

Ubu busitani buri imbere y’inyubako ya I&M Bank, Minecofin na Ubumwe Grande Hotel- Bwagejejwemo umuriro w’amashanyarazi, amazi meza, burimo n’indabo z’amako atandukanye.

Mu rwego rwo kurimbisha ubu busitani bwarimbishijwe amarangi y’amako atandukanye yizihira ijisho. Bwashyizwemo amatara atanga urumuri mu ijoro; bugizwe n’amayira y’amakorasi yatunganyijwe mu buryo bwa gihanga.

Ubu busitani buzashyirwamo internet y’ubuntu (Free wi-fi) izafasha benshi kuharuhukira baganira n’inshuti. Burimo intebe z’urubaho zisize verine ziteye mu bice bitandukanye bizorohera benshi kwicara bakaganira, bakaruhuka bagasangizanya ibyiriwe!

Ni ubusitani butoshye buvomererwa basimburana kandi buzaba bufite n’ubwiherero. Kuhatemberera ni ubuntu, gusa ku bantu bifuza kuhafatira amafoto/amashusho y’ubukwe cyangwa indirimbo bizajya bisabirwa uburenganzira.

Ubu busitani bwatangiye gutunganwa kuva muri Mutarama 2019 buzatahwa mu minsi iri imbere. Ku rubuga rwa Twitter, benshi bashimye Umujyi wa Kigali ku bwo gukora ubusitani bwiza buzafasha benshi. Hari n’abandi banditse basaba ko hari ibyakongerwamo.

Ikaze mu busitani buri imbere y'Inyubako y'Umujyi wa Kigali

Ubusitani bw'Umujyi wa Kigali bwatanzweho 226, 143, 904 Frw

Umufotozi wa INYARWANDA, Evode Mugunga yafatiye iyi foto hejuru y'inyubako y'Umujyi wa Kigali

Inyubako y'Umujyi wa Kigali mu mboni ya Inyarwanda Art Studio

Ubu busitani bwubakishijwe amabuye meza yaconzwe n'abahanga

Mu mutima w'ubu busitani hashyizwemo amazi nk'ayo mu zindi 'rond point'

Intebe zo kwicarwaho zamaze gutegurwa

Ubu busitani buri imbere ya I&M Bank

Ubu busitani buzashyirwamo internet nziramugozi (Wi-Fi)

Amezi 10 arashize ubu busitani butunganywa

Bwashyizwemo indabo z'amako atandukanye aryoheye ijisho

Umujyi wa Kigali uzataha ubu busitani mu minsi ya vuba

AMAFOTO: Evode Mugunga-INYARWANDA ART STUDIO





TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Seba Abudul4 years ago
    Harabantu bakeneye ubufasha bakagombye kwitabwaho hakoreshejwe ayo mafranga
  • Dusingizimana3 years ago
    numwiharikokwirinda korona





Inyarwanda BACKGROUND