Inyarwanda art Studio
Kigali

Kim Kardashian yujuje imyaka 39 yishimira ibirori yakorewe n'abo mu muryango we

Yanditswe na: Editor
Taliki:21/10/2019 16:18
0

Kimberly Noel Kardashian West wamamaye nka Kim Kardashian nubwo uyu munsi ari bwo yujuje imyaka 39, muri iyi weekend ni bwo yakorewe ibirori byizihiza isabukuru ye n'abo mu muryango we.



Kim Kardashian ni umushabitsi ushora imari ye mu bucuruzi. Afite televiziyo muri Amerika imwinjiriza agatubutse binyuze cyane cyane mu kiganiro akorana n'abo mu muryango we kitwa ”Keeping Up with the Kardashians”. Ni umukinnyi w'ama filime akaba n’umunyamideri wabigize umwuga umaze kwambika ibyamamare byinshi birimo na Paris Hilton.

Ni umugore w’umuraperi Kanye West, bafitanye abana bane. Ku nkuta nkoranyambaga ze yagaragaje ko abavandimwe be muri ibi birori bamwitayeho. Hari amashusho yashyize hanze agaragaza ukuntu murumuna we Kylie Jenner ari we wamwitayeho ku bijyanye n’ibirungo by’ubwiza. 


Ibi birori byabereye mu nyubako ya Kris Jenner iherereye ahitwa La Quinta. Uyu mugore wa Kanye West yagaragaje ko ibi birori byamushimishije kuko byahuriranye n’imyaka itanu amaranye n’umugabo we bafitanye abana bane Ati”Ati ndanyuzwe nshimishijwe nuko abana bane bose bahari ni umubare nkunda.“ 


Yakomeje avuga ko ashimishijwe no kuba abo mu muryango bitabiriye ibi birori avuga ko ubaye umunsi udasanzwe 

 UMWANDITSI: Neza Valens-inyarwanda.com








Bahaus

Inyarwanda BACKGROUND