Sandra Kayitesi wabaye Nyampinga w'icyahoze ari ishuri rikuru rya Kigali ry'ubuvuzi (KHI=Kigali Health Institute) ubu risigaye ari Kaminuza y'u Rwanda Koleji y'ubuvuzi n'ubumenyi mu by'ubuzima (CMHS), agiye kurushinga.
Sandra Kayitesi wize 'Physiotherapy' yambitswe ikamba ry'ubwiza rya Miss KHI mu mwaka wa 2011. Yari agaragiwe na Marie Paul Kamariza wabaye igisonga cya mbere na Adeline Gapasi Uwamahoro wabaye igisonga cya kabiri. Kuri ubu Sandra Kayitesi agiye kurushinga n'umusore witwa Muhire Yves biganye mu ishuri rimwe muri KHI kuri ubu ukora mu bitaro Byitiriwe Umwami Faisal.
Nk'uko InyaRwanda.com tubikesha ubutumire 'Invitation' bwanyujijwe ku rukuta rwa Instagram rwa Sandra Kayitesi, tariki 21/12/2019 ni bwo hazaba imihango yo gusaba no gukwa hanyuma tariki 28/12/2019 basezerane imbere y'Imana mu muhango uzabera St Paul saa saba z'amanywa. Abatumiwe mu bukwe bw'aba bombi bazakirirwa muri Kigali ku Kicukiro kuri Sport View Hotel.
Miss Sandra Kayitesi hamwe n'umukunzi we Yves Muhire
Sandra Kayitesi na Muhire Yves ntabwo bakunze kugaragaza urukundo rwabo ku mbuga nkoranyambaga. Mbere y'amasaha macye ngo bashyire hanze ubutumire bw'ubukwe bwabo, ni bwo Sandra yahamije ko ari mu rukundo na Yves Muhire mu magambo asize umunyu yanditse kuri Instagram aherekeza ifoto ye ari kumwe na Yves Muhire ari nayo ya mbere bagaragara bari kumwe. Yashimye Imana yamuhaye umukunzi we Yves Muhire yise 'Rukundo'.
Ubutumire mu bukwe bwa Miss Sandra na Yves Muhire
AMWE MU MAFOTO YA MISS SANDRA KAYITESI N'UMUKUNZI WE
Yves Muhire umukunzi wa Miss Sandra Kayitesi
Miss Sandra ku munsi yambikiweho ikamba
Muri 2011 ubwo Sandra yambikwaga ikamba rya Miss KHI
Eng
RSS 
TANGA IGITECYEREZO