Kigali

Rwanda Premier League: AS Kigali yaguye miswi na Bugesera FC

Yanditswe na: Niyonkuru Eric
Taliki:11/10/2019 20:40
0

Wari umukino wa Gatatu muri shampiyona y'u Rwanda ku makipe yombi. Ikipe ya AS Kigali yari yakiriye Bugesera FC banganyana 2-2 mu mukino wabereye kuri sitade i Nyamirambo.



Wari umukino ufungura umunsi wa Gatatu wa shampiyona y'u Rwanda mu mwaka w'imikino wa 2019-2020, ikipe ya AS Kigali niyo yari yakiriye. Ku munota wa  3' Kibengo Jimmy uzwi nka Jimmyi mbaranga yatsinze igitego cya mbere ku ruhande rwa Bugesera FC. Nyuma y'iminota 8' AS Kigali yahise yishyura iki gitego cyatsinzwe na Fosso Raymond. 

Mu minota y'inyongera y'igice cya mbere, kabuhariwe Shaban Hussein Tchabalala yaboneye igitego cya kabiri Bugesera FC, igitego cyatumye benshi bibaza ku bushobozi bw'umunyezamu Bakame.

Mu gice cya kabiri umutoza Eric Nshimiyimana yakoze impinduka yinjizamo Nova Bayama na  Rutahizamu Essombe Patrick wahise umutsindira igitego cyo kwishyura ku munota wa 88' w'umukino. 

Bugesera FC XI: Kwizera Janvier (GK.18), Nzabanita David (C.8), Ngarambe Jimmy Ibrahim 12, Rubibi Bonquet 4, Niyitegeka Idrissa 22,  Wilondja Jacques 5, Bizimana Joe 6, Francis Moustapha 24 , Murengezi Rodrigue 7, Shaban Hussein Tchabalala 10, Kibengo Jimmy 16.

AS Kigali XI: Ndayishimiye Eric Bakame (GK.18), Niyonzima Haruna (C.8), Benedata Janvier 10, Bishira Latif 5, Ishimwe Christian 6, Songayingabo Shaffy 26, Kalisa Rachid 19, Ntamuhanga Thumaine Tity 12, Allongo Mba Martel 17, Fosso Raymond 11, Nsabimana Eric Zidane 30.


Kwizera Janvier yakuyemo neza Penaliti yahawe AS Kigali


Igitego cya Essombe Patrick ku munota wa 88' w'umukino 


Bakame yakuyemo ibitego byinshi byabazwe ari nako akora amakosa yari kubatsindisha

Jule Ulimwengu yarebye uyu mukino yiganirira n'inshuti ze


Umutoza ushinzwe kongerera ingufu abakinnyi muri Bugesera yahawe ikarita itukura





Umutoza Eric Nshimiyimana yasabaga Nova Bayama kujya kwitegura agasimbura 



 Wari umukino wiruka

Ikipe ya AS Kigali ku munsi wa Kane wa Shampiyona izasura Etincelles FC kuri sitade umuganda mu gihe, ikipe ya Bugesera izasura Rayon Sports FC kuri sitade ya kigali i Nyamirambo.

Kugeza ubu ku rutonde rwa gateganyo rwa shampiyona y'u Rwanda ikipe ya AS Kigali iri ku mwanya wa 12 n'amanota 2 ikaba ifite umwenda w'ibitego bibiri. Mu gihe ikipe ya Bugesera FC iri ku mwanya wa Gatanu n'amanota 4 ikaba yizigamiye igitego kimwe.

AMAFOTO: NIYONKURU Eric-InyaRwanda.com








Bahaus

Inyarwanda BACKGROUND