Inyarwanda art Studio
Kigali

Pastor Gaby&Claire bashyize hanze album yabo ya mbere bise ‘Naratsinze Worship Album’ igizwe n’indirimbo 10

Yanditswe na: Mupende Gedeon Ndayishimiye
Taliki:9/10/2019 18:21
0

Ngamije Gabriel uzwi cyane nka Pastor Gaby na mushiki we Semugeshi Claire bakorera umurimo w’Imana muri Christocentric Worship bashyize hanze album yabo ya mbere bise ‘Naratsinze Worship Album’ igizwe n’indirimbo 10.



Iyi album bayisohoye nyuma y’iminsi micye bashyize hanze indirimbo yitwa ‘Yandutiye’ nayo iri kuri iyi album. Ku wa 7/10/2019 ni bwo batangaje iyi nkuru nziza ku bakunzi babo y'uko album yabo ya mbere iri hanze ndetse ko n'indirimbo zose ziyigize bazishyize ku masoko mpuzamahanga y’umuziki nka; iTunes, Spotify na Xwav ku bakoresha Android ndetse ukaba wanakwishyura ukoresheje MTN Mobile money kuri Xwav.


Pastor Gaby & Claire mu byishimo nyuma yo gusohora album ya mbere

Ni album iriho indirimbo 10 ari zo; Tuje Mwami, Naratsinze, Mana ndemeye, Umpe akanya Yesu ft Aime Uwimana, All the glory, Mwami ndakuramya, Uwo andutira, Yandutiye, Kuva izuba ft Rene Patrick na Wewe ni Mungu.

Iyi album yakozweho n’aba producers batatu ari bo; Mucyo Nicola wakoze ‘recording’, Dudu T Niyukuri wakoze ‘Mixing’ na Kevin MCNOLDY wakoze ‘Mastering’. Iriho indirimbo ebyiri Gaby&Claire bakoranye n’abandi bahanzi nk’iyo bakoranye na Aime Uwimana n’iyo bakoranye na Rene Patrick.


Gaby aririmbana na mushiki we Claire

Mu ndirimbo zikubiye kuri iyi album, humvikanamo amajwi y’abandi baramyi b’abahanga nka; Ntwali Didier, Kalisa Kenneth, Uwineza Rachel, Nyirashimwe Diane, Rugamba Serge, Intarebatinya Fabrice, Umutoni Alice n’abandi. Pastor Gaby na Claire bavuze ko batabona amagambo bakoresha bashimirea aba baririmbyi.

Pastor Gaby na Claire ubwo bamurikiraga abantu iyi album yabo ya mbere, bagize bati “Tubanje gushima Imana, yo yaduhamagaye ikaduha umurimo wayo wo kuyiramya, ikaduha n’impano, turayishimye cyane.Turashima kandi ababyeyi bacu badutoje inzira nziza yo kuyubaha, ni bo dukesha abo turi bo uyu munsi. Turashima byimazeyo umuryango wacu ndetse n’inshuti zacu.”


Pastor Gaby yabwiye InyaRwanda.com ko nyuma yo gushyira hanze iyi album yabo ya mbere, nyuma yahoo bateganya gutangira umushinga w’amashusho yayo. Yagize ati “Project zindi nyuma yo gusohora album audio tuzahita dutangira gutekereza kuri video ya album yose.”

'Naratsinze Worship Album' umuzingo wa mbere wa Pastor Gaby&Claire

REBA HANO PASTOR NA CLAIRE BATANGARIZA INKURU NZIZA ABAKUNZI BABO

UMVA HANO 'YANDUTIYE' YA PASTOR GABY&CLAIRE


REBA HANO PASTOR GABY&CLAIRE BARIRIMBA 'JEHOVA IS YOUR NAME'









Inyarwanda BACKGROUND