Afrika yaje ku mwanya wa kabiri ku isi mu bukerarugendo butera imbere mu buryo bwihuse

Mu mwaka ushize wa 2018 ubukerarugendo muri Afrika bwiyongereye ku kigero cya 8.5%. Bimwe mu bihugu bya Afrika ubukungu bwabyo bugenda buzamuka kubera ubukerarugendo. Muri byo harimo:Algeria, Egypt, Africa y’Epfo, Kenya,Morocco, Tunisia na Tanzania.

Ikigaragaza ko ubukerarugendo bwihuse muri Afrika ni uko mu mwaka wa 2016 amafaranga yavuye mu bukerarugendo angana na miliyari 36.2 z’amadorali ya Amerika na ho mu mwaka wa 2018 amafaranga yavuye mu bukerarugendo angana  na miliyari 194.2 z’amadorali ya America.

Ibi bikaba bigaragaza ko ubukerarugendo kuri uyu mugabane bugeze ku ntera ishimishije, bitewe n'uko ibihugu bya Afrika byashyize imbaraga nyinshi ndetse binashora amafaranga menshi mu kwita ku hantu nyaburanga hasurwa na ba mukerarugendo batibagiwe kandi no kubaka amacumbi azifashishwa n’aba mukerarugendo.

Ubushakashatsi bwakozwe na WTTC bwagaragaje ko ubukerarugendo bukorerwa muri Africa 71%  ahanini bwibanda ku kwishimisha no kuruhuka na ho 29% isigaye bwibanda ku bucuruzi n’ubushoramari.

1.Mauritius

2.South Africa

3.Seychelles

4.Morroco

5.Namibia

6.Kenya

7.Tunisia

8.Cape verde

9.Botswana

10.Tanzania

UNWTO (United Nations World Tourism Organisation yagaragaje ko mu mwaka wa 2018 Africa yabonye 5% by’abakerarugendo bari ku kigero cya miliyari 1.4 bari bateganyijwe.

ADB (African Development Bank nayo yagaragaje ko mu mwaka wa 2016 uyu mugabane winjije  agera kuri miliyari 36.2 z’amadorali ya America  avuye mu bukerarugendo, mu gihe mu mwaka w’i 1990 binjije miliyoni 17.4.

Ubukerarugendo ku rwego mpuzamahanga bwiyongera ku kigero cya 4% ku mwaka na ho ba mukerarugendo baturuka impande zose z’isi baza muri Africa bari ku kigero cya 5% ku mwaka. Nk'uko nanone tubikesha WTTC (world Travel and Tourism Cancel) hateganyijwe ko mu mwaka wa 2026 ubukerarugendo  buzagira uruhare ku bukungu bw’uyu mugabane wa Afrika aho buzaba bwinjiza  miliyari 269 z’amadorali ya Amerika ndetse bigatuma n'abagera kuri miliyoni 29 babasha kubona akazi bivuye mu bukerarugendo.

Umwanditsi: Ange Uwera-Inyarwanda.com