Inyarwanda art Studio
Kigali

Urutonde rw’imikino 10 ikunzwe cyane ku isi muri 2019 n’ahantu higanje abafana bayo benshi

Yanditswe na: Mupende Gedeon Ndayishimiye
Taliki:3/10/2019 16:31
0

Imikino ni kimwe mu bintu bikunzwe cyane ku isi kuko ihuza abantu banyuranye ikabaha ibyishimo. Hari imikino usanga ikunzwe mu gace kamwe wajya mu kandi gace ugasanga bafite undi mukino bakunda. Muri iyi nkuru tugiye kurebera hamwe imikino ikunzwe cyane ku isi muri uyu mwaka wa 2019.



Urubuga sportsshow.net rwakoze urutonde rw’imikino 10 ikunzwe ku isi muri uyu mwaka, ku isonga hazaho umupira w’amaguru ukunzwe n’abagera kuri miliyari 3.5 ku isi hose mu gihe isi yose ituwe n'abagera kuri miliyari 7.7, ibisobanuye ko hafi kimwe cya kabiri cy'abatuye isi bakunda cyane umukino wa ruhago. I Burayi ni ho higanje abantu benshi cyane bakunda ruhago.

Mu gukora uru rutonde hagendewe ku bintu bigera kuri 15 birimo; umubare w’abafana buri mukino ufite hirya no hino ku isi, amasezerano iyi mikino ifitanye n’amateleviziyo mu kwereka abatuye isi, umubare w’abayikurikira kuri interineti, uko iyi mikino ikoresha imbuga nkoranyambaga, amarushanwa akomeye yitabira, umubare w’ibihugu biyikurikira n’ibindi byinshi.

1.Soccer/Association Football (Ruhago): Ifite abakunzi bagera kuri miliyari 3.5 ku isi hose. Uyu mukino ukunzwe cyane i Burayi, Afrika, Aziya no muri Amerika.


2. Cricket: Ifite abakunzi bagera kuri miliyari 2.5 ku isi hose. Ikunzwe cyane mu  Buhinde, UK, Pakistan na Australia


3. Basketball: Ifite abafana bagera kuri miliyari 2.2 ku isi hose. Ikunzwe cyane muri Leta Zunze Ubumwe za Amerika, Canada, u Bushinwa no muri Philippines.


4. Field Hockey: Ikunzwe n’abantu bagera kuri miliyari 2 ku isi hose. Ikunzwe cyane i Burayi, Afrika, Aziya na Australia.


5. Tennis: Uyu mukino ukunzwe n’abagera kuri miliyari imwe ku isi hose. Abakunzi bayo benshi baherereye muri Europe, America na Asia.


6. Volleyball: Ikunzwe n’abagera kuri miliyoni 900 ku isi hose. Abakunzi bayo benshi baherereye muri Asia, Europe, America na Australia.


7. Table Tennis: Ikunzwe n’abagera kuri miliyoni 850 ku isi hose. Ahantu ikunzwe cyane ni muri Asia, Europe, Afrika no muri America.


8. Baseball: Ni umukino ukinzwe n’abantu bagera kuri miliyoni 500. Abakunzi bayo benshi baherereye muri USA, Japan, Cuba na The Dominican Republic.


9. American Football: Ikunzwe n’abagera kuri miliyoni 410. Abakunzi bayo benshi baherereye muri USA, France, England, New Zealand na South Africa.


9. Rugby: Ikunzwe nayo n'abagera kuri miliyoni 410. Abakunzi bayo benshi baherereye muri USA, France, England, New Zealand na Afrika y'Epfo.


10. Golf: Uyu mukino ukunzwe n’abagera kuri miliyoni 390 ku isi hose. Abakunzi benshi b’uyu mukino baherereye muri Europe, Asia, America na Canada.









Bahaus

Inyarwanda BACKGROUND