Inyarwanda art Studio
Kigali

Choir Fest 2019: Maranatha, Healing WT, Alarm, Gisubizo, True Promises,..bazaririmba mu iserukiramico ry'amakorali rigiye kuba bwa mbere mu Rwanda

Yanditswe na: Mupende Gedeon Ndayishimiye
Taliki:1/10/2019 18:02
0

Kuri iki Cyumweru tariki 06/10/2019 ni umunsi utegerejwe na benshi mu batuye muri Kigali n'abandi banyuranye bakunda umuziki wa Gospel. Ni umunsi wateguweho iserukiramuco ry’amakorali, CHOIR FEST 2019 rigiye kuba ku nshuro ya mbere. Ni mu gitaramo gikomeye kizabera muri Kigali Serena Hotel.



Choir Fest ni iserukiramuco rihuza amatsinda n’amakorali akunzwe mu gihugu. Iri serukiramuco riri gutegurwa na Sensitive Limited n'abandi bishyize hamwe. Ni ubwa mbere rigiye kuba, gusa abaritegura bavuga ko rizajya riba buri mwaka. Choir Fest 2019 yatumiwemo amatsinda n’amakorali atandukanye akunzwe mu Rwanda, ari yo; Gisubizo Ministries, Alarm Ministries, Maranatha, Ijwi ry’impanda choir, True Promises na Healing worship team.

Muri Choir Fest 2019, buri korali izaririmba indirimbo zo mu gitabo, indirimbo za kera zakunzwe n'indirimbo nshya zikunzwe. Kwinjira muri iri serukiramuco ni ukwishyura 5,000Frw mu myanya isanzwe, 10,000Frw mu myanya y’icyubahiro (VIP) ndetse na 20,000Frw mu myanya y’icyubahiro cyinshi (VVIP). Bishop Dr Fidele Masengo Umushumba Mukuru wa Foursquare Gospel church ni we uzigisha ijambo ry'Imana muri iri serukiramuco ry'amakorali.









Bahaus

Inyarwanda BACKGROUND