RFL
Kigali

Amavubi yageze i Kigali azanye intsinzi Mashami ahishura ko ashobora guhamagara abandi bakinnyi-AMAFOTO+VIDEO

Yanditswe na: Niyonkuru Eric
Taliki:23/09/2019 18:28
1


Kuri uyu wa Mbere ikipe y'igihugu y'u Rwanda Amavubi yageze i Kigali azanye impamba y'igitego 1-0 Ethiopia, aho bari gushaka itike y'igikombe cy'Afurika hakinishwa abakinnyi bakina imbere mu gihugu.



Byari umunezero ku bafana batandukanye ndetse n'akanyamuneza ku bakinnyi b'ikipe y'igihugu, abafana bakirije indirimbo zirata abanyarwanda bavuye ku rugamba bagatahana itsinzi. Umutoza Mashami Vincent yatangarije itangazamakuru ko abakinnyi abashimira ku bwitange bagize ndetse igikurikiye bakaba bagiye gusubira mu makipe yabo ndetse bagahozaho. 

Yagize ati:"Urugendo rwatugendekeye neza Ethiopia n'ikipe ikomeye n'ikipe yari mu rugo bagombaga gutsinda gusa twakurikije uko twari twateguye umukino byaradufashije gutsinda" Yakomeje avuga ko ubu abanyarwanda bafite ikipe nziza n'ubwo muri ruhago habamo amahirwe gusa yongeyeho ko igihe cy'intsinzi cyageze ku mavubi. 

Mashami yasoje avuga ko imiryango igifunguye ku bandi ndetse ko bishoboka ko yazahamagara n'abandi bakinnyi bashobora kwitwara neza mu makipe bakinamo.

Umutoza Mashami Vincent aganira n'itangazamakuru

Sugira watsinze igitego muri Ethiopia yavuze ko yagiyeyo afite intego yo gutsinda nk'uko bisanzwe



Nyiragasazi umufana wa APR FC yashimiye Mashami kuba azanye intsinzi ndetse anamushimira kuba yarahamagaye Sugira Ernest


Ibumoso ni umunyezamu Bakame ukinira AS KIGALI, iburyo ni myugariro Mutsinzi ukinira APR FC


Ibumoso ni Seninga umutoza wungirije Mashami mu ikipe y'igihugu AMAVUBI


Nyiragasazi ashimira umutoza mukuru w'Amavubi


Nyiragasazi umufana wa APR FC


Mashami yahuje urugwiro n'umufana wa AS KIGALI Haguma Jean Claude

Kanda hano urebe uko byari byifashe i Kanombe ku kibuga cy'indege







TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Hagumintwali jean Claude 4 years ago
    Nashimishijwe no guhamagara Nsabimana eric Zidane





Inyarwanda BACKGROUND