King James yishimiwe bikomeye mu gitaramo yakoreye Bauhaus Club Nyamirambo-AMAFOTO

Uyu muhanzi yaririmbiye Bauhaus Club Nyamirmabo mu ijoro ryo ku wa Gatanu rishyira ku wa Gatandatu. Ni igitaramo cyahuriranye no kumurika ku mugaragaro indirimbo nshya yise “Yabigize birebire” aherutse gushyira hanze.

Yaririmbye nyinshi mu ndirimbo ze yagiye ashyira hanze mu bihe bitandukanye zigakundwa mu buryo bukomeye. Yisanzuye mu bafana abaha umwanya wo kubyinana nawe no kuririmba nawe. Bamwe birabarenga bamupfumbatisha amafaranga bamushimira uburyo yabafashije kwizihirwa na ‘weekend’.

Abasohokera Bauhaus Club Nyamirambo ntibicwa n’icyaka kuko hari ibyo kunywa by’amako yose! Ikindi n’uko hari mucoma w’umuhanga uzi kotsa neza ‘burucheti’.

King James yafashije benshi kwizihirwa n’umuziki ari nako banywa ku binyobwa bitandukanye bibarizwa muri aka kabari kagezweho.

Dj Lenzo ukunzwe muri iyi minsi mu ndirimbo “Akuka” nawe yatanze ibyishimo kuri benshi yifashishije indirimbo zitandukanye yacuranze.

Mu ijoro ryo ku wa Gatandatu Dj Anitha Pendo yacurangiye abasohokeye Bauhaus Club mu ijoro ry’abakobwa n’abagore.

Ari mu bahanzi bakomeye u Rwanda rufite wanabashije gutwara igikombe cya Primus Guma Guma Super Star isanganira andi mashimwe atandukanye yegukanye mu muziki.

Bauhaus Bar ifite akabyiniro gakomeye kafunguwe ku mugaragaro na Bruce Melodie ku munsi w’abakundana (St Valentin). Imaze gutumira abahanzi Senderi Hit, Social Mula, Dream Boys, Mico The Best, Active, Bull Dogg, Sintex n’abandi basusurukije abasohoye muri aka kabari.

Bafite inzoga z’amako yose, ibyo kurya bitandukanye n’ibindi byinshi. Iherereye i Nyamirambo ahazwi nka Cosmos iteganye na Station Merez. Ku bindi bisobanuro wahamagara kuri 0788816126.

King James yishimiwe bidasanzwe mu gitaramo yakoreye Bauhaus Club Nyamirambo

Uyu muhanzi yapfumbatishijwe amafaranga n'abakobwa bamwishimiye

Dj Anitha Pendo ku wa Gatandatu asusurutsa abasohokera Bauhaus Club Nyamirambo

Dj Lenzo yishimiwe bikomeye mu gitaramo yacuranzemo muri Bauhaus Club Nyamirambo

AMAFOTO: Regis Byiringiro