Inyarwanda art Studio
Kigali

Davido yateye ivi yambika impeta y’urukundo umukunzi we

Yanditswe na: Janvier Iyamuremye
Taliki:13/09/2019 9:42
0

Umunya-Nigeria w’umunyamuziki uri mu bagezweho ku mugabane wa Afurika, David Adeleke [Davido] yambitse impeta y’urukundo umukunzi we Chioma Rowland.



Ni mu birori byabaye mu ijoro ry’uyu wa kane tariki 12 Nzeli 2019 bibera muri resitora iherereye mu Mujyi wa London mu Bwongereza. Yari ashyigikiwe n’inshuti ze zafataga amafoto n’amashusho y’urwibutso. Uyu muhanzi yateye ivi maze yambika impeta umukunzi we arahaguruka barasomana biratinda, barahoberana bashirana urukumbuzi.

Uyu muhanzi yasakaje amashusho ku rubuga rwa instagram agaragaza ibiganza bya Chioma byambitswe impeta; maze yandika agira ati "Yavuze yego". Mu gusubiza umukobwa nawe yavuze ati "Ndagukunda Davido".

Biravugwa ko uyu mukobwa yambitswe impeta mu gihe atwite. Davido asanzwe afite abana babiri, Imade na Hailey yabyaye ku bagore babiri. Yamwambitse impeta mu birori byikurikiranye kuko ku wa 02 Nzeri 2019 Davido yerekanye mu muryango we uyu mukunzi we Chioma.

Davido yambikiye impeta umukunzi we mu Mujyi wa London

Mu 2018 ni bwo Davido yahimbye indirimbo ‘Assurance’ ayitura umukunzi we Chioma; yaharuye inzira y’urukundo rweruye kugeza n’ubu. Uyu muhanzi yakunze kuvuga ko Chioma ari umugore umutima we wishimiye kandi umukunda uko bucyeye n’uko bwije.

Ku wa 30 Mata 2018 ubwo Chioma yizihizaga isabukuru y’amavuko, Davido yamugeneye impano y’imodoka yo mu bwoko bwa Porsche ihagaze $60,000.

Yaboneyeho no gutangaza ko yakunze uyu mukobwa kandi ako adafite ubwoba bwo kubivuga. Davido kandi avuga ko azarushinga n’uyu mukobwa mu 2020.

Davido yambitse impeta umukunzi we Chioma ateguza ubukwe mu 2020









Inyarwanda BACKGROUND