Inyarwanda art Studio
Kigali

Rayon Sports iracakirana na Musanze FC kuri iki Cyumweru (Ibiciro byo kwinjira)

Yanditswe na: Mihigo Saddam
Taliki:6/09/2019 9:36
0

Kuri iki Cyumweru tariki 8 Nzeli 2019 ikipe ya Rayon Sports izakira Musanze FC mu mukino wa gicuti muri gahunda z’imyiteguro y’umwaka w’imikino 2019-2020.



Ni umukino uzakinirwa kuri sitade ya Kigali i Nyamirambo guhera saa cyenda n’igice (15h30’).

Kwinjira kuri uyu mukino ni 10.000 FRW ,5.000 FRW; 3.000 FRW na 1.000 FRW.

Rayon Sports ifite igikombe cya shampiyona 2018-2019 ikaba inaheruka mu mikino y’injojora rya mbere rya Total CAF Champions League 2019-2020, kuri ubu mbere yo kwitegura shampiyona 2019-2020 iri kwitegura imikino y’Agaciro Development Cup 2019 igomba gutangira tariki 13 Nzeli 2019 ubwo bazaba bacakirana na Police FC  saa kumi n’ebyiri (18h00’) kuri sitade ya Kigali.


Tariki 17 Gicurasi 2019 ubwo Musanze FC yakinaga na Rayon Sports ku munsi wa 28 wa shampiyona 2018-2019 (Rayon Sports 3-1 Musanze FC)

Musanze FC ni ikipe yiyubatse itegura umwaka w’imikino 2019-2020 kuko yahereye mu izamu izana Ndoli Jean Claude, igura abakinnyi bo hagati nka Uwimana Emmanuel Nsoro Tiote na Moussa Ally Sova bavuye muri Sunrise, igura abakinnyi nka Didier Touya wavuye muri Kiyovu Sport n’abandi bakinnyi batandukanye bazaba ari bashya muri uyu mwaka mushya w’imikino 2019-2020 barimo Muhoza Tresor, Mumbele Saiba Claude, Muhire Anicet na Muhawenayo Gady.

Mu mikino ya gicuti baheruka gukina, Musanze FC nytibarabona amanota atatu imbumbe kuko iheruka imikino ibiri (2) yakinnye na Marines FC (tariki 20 na tariki 20 Kanama 2019) yose zikayinganya 0-0. Undi mukino Musanze FC yari yawakiriyemo Police FC, urangira Police FC ibatsinze ibitego 2-0.


Abafana ba Rayon Sports ubwo baheruka kwakira Musanze FC i Kigali

Uretse Rayon Sports izaba yakira Musanze FC kuri sitade ya Kigali, APR FC ikipe irusha izindi ibikombe ku butaka bw’u Rwanda, izaba iri kumwe na Gasogi United ku kibuga cya Kicukiro guhera saa cyenda zuzuye (15h00’). APR FC iheruka kunyagira Heroes FC ibitego 4-0 i Shyorongi.








Bahaus

Inyarwanda BACKGROUND