Kuri uyu wa mbere tariki ya 19 Kanama 2019, uwari umukinnyi wa FC Barcelona ukina hagati mu kibuga Philipe Coutinho yamaze kwerekanwa nk’umukinnyi mushya wa Bayern Munich.
Philippe Coutinho ukomoka mu gihugu cya Brazil yahoze akinirira Liverpool ayivamo yerekeza muri FC Barcelona. Kuri uyu wa gatanu nyuma y’uko FC Barcelona itsinzwe umukino wa mbere ufungura shampiyona y’igihugu cya Esipanye (La Liga) na Athletic Bilbao 1-0, uyu mukinnyi yamaze kwerekeza muri Bayern Munich, ku ntizanyo y’igihe kirekire avuye muri Barcelona.
Philipe Coutinho wamze guhabwa nomero 10 azambara muri Bayern Munich
Nyuma y’uko Philipe Coutinho asinyiye Bayern Munich ku ntizinyo y’umwaka iyi kipe kandi irifuza kuba yamusinyisha akaba umukinnyi wayo bidasubirwaho aho yifuza kuba yamutangaho asaga miliyoni 120 z’amayero.
Coutinho ari gukora ibizamini by'ubuzima
FC Barcelona yatangaje ko Bayern Munich izishyura asaga miliyoni 8.5 z’amayero mu gihe gisaga umwaka ku masezerano bagiranye yo kuba babatiza Philippe Coutinho.
Philipe Coutinho aganira na televisiyo ya Bayern Munich
Philipe Coutinho wishimiye iyi kipe ya Bayern Munich
Philippe Coutinho yakiniye FC Barcelona imikino 38 abanje mu kibuga, aho yatsinzemo ibitego 11 ndetse atanga imipira ivamo ibitego (Assists) 5, ariko ntiyabashije kuba yatsindira imitima y’abaturage ba Catalan (Abafana ba FC Barcelona) aho baje kwifuza ko yasohoka muri ino kipe.
Philipe Coutinho uzagaragara mu mikino yo ku mugabane w'u Burayi afasha FC Bayern Munich
Eng
RSS 
TANGA IGITECYEREZO