Abashinzwe ubuzima muri Congo hamwe n'ishami ry'Umuryango w'Abibumbye ryita ku buzima, muri iki gitondo i Goma muri Congo bagaragaje Eben-Ezer na nyina Espérance bakize Ebola.
Umugore n'umwana we, ni babiri mu bantu bane bafashwe na Ebola mu mujyi wa Goma, babiri bandi yarabahitanye. Mu bo yahitanye harimo umugabo we, uyu yari abaye umuntu wa kabiri basanzemo Ebola mu mujyi wa Goma.
Eben-Ezer utaruzuza
imyaka ibiri na nyina Espérance bamaze iminsi bavurirwa mu kigo cyagenewe kwita
ku bafashwe n'abakekwaho iki cyorezo i Goma.
Ni inkuru
nziza ku bakozi bo mu nzego z'ubuzima no ku baturage b'imijyi ya Goma na
Gisenyi mu Rwanda ubu itakigenderanira nk'ibisanzwe kubera ubwoba bw'iki
cyorezo.
Uyu munsi
berekanywe mu kiganiro n'abanyamakuru i Goma nk'abantu bakize Ebola bakijijwe
n'imiti iri mu igeragezwa. Bamwe bagaragaje ibyishimo byabo ku mbuga
nkoranyambaga.
Src: BBC
TANGA IGITECYEREZO