Total CAF Champions League 2019-2020 ni kimwe mu birori bitegerejwe n'abakunzi b'umupira w'amaguru aha ku mugabane w'Africa. Mu Rwanda Al Hilal izasura Rayon Sports kuri iki cyumweru kuri stade ya Kigali i Nyamirambo. Muri iyi nkuru turabagezaho incamake ku mateka y'iyi kipe ibarizwa i Khartoum muri Sudan.
Al Hilal si izina rishya mu matwi y'abakunzi b’umupira w’amaguru by'umwihariko aha ku butaka bw'u Rwanda dore ko iheruka kuhatsindirwa na Mukura Victory Sports. Twifashishije urubuga rwa Wikipedia rutwereka ko Al Hilal igitekerezo cyo kuyishinga cyaje mu mwaka wa 1930 nyuma y’inama zitandukanye zaberaga hafi y’umusigiti ubarizwa i Khartoum muri Sudan.
Iheruka mu Rwanda ikina na Mukura VS
Iyi kipe yiganjemo abene gihugu, zimwe mu nkingi za mwamba ifite harima Saleem Mohamed na Abdellatif Saeed uyobora abandi bakinnyi mu kibuga abo mu ndimi z'amahanga bita Captain. Iyi kipe itozwa na Nabil Kouki kure yageze mu mikino nyafurika ni muri 1/2. Mu irushanwa riheruka yasezerewe na Étoile du Sahel ku bitego 5-2 mu mikino yombi. Al hIlal yagiye yereka amakipe yo mu Rwanda ko ntayishobora kuyitsindira muri Sudan gusa nayo ifite amateka ko mu Rwanda biyigora kubona itsinzi.
Iyi ni yo Ali Hilal izakina na Rayon Sports tariki 11 Kanama 2019 kuri sitade ya kigali i Nyamirambo.
Eng
RSS 
TANGA IGITECYEREZO