The Lion King (2019) ni filime yaje itegerejwe cyane kubera uburyo umuziki wakoreshejwe muri iyi filime watunganyijwe na Beyonce ndetse ni umushinga urimo n’abahanzi b’abanyafurika nka Tiwa Savage, Burna Boy, Tekno, Yemi Alade, Mr Eazi, Wiz Kid, Shatta Wale, Moonchild Sanelly na Salatiel. Kugeza ubu niyo iri gucuruzwa kurusha izindi zose ku isi
1. The Lion King (2019)
Iyi filime yasohotse tariki 19/07/2019, icuruzwa na Buena
Vista ndetse kugeza ubu yacurujwe cyane mu mahanga kurusha iwayo muri Amerika.
Muri iyi weekend yinjije $75,524,000
muri Amerika gusa, ku isi hose yinjije $962,675,534.
Iyi filime iri mu bwoko bwa Action/Adventure, Beyonce akaba umwe mu
bakoreshejwe mu buryo bw’amajwi. Amafaranga yakoreshejwe mu gutunganya iyi
filime ntiyigeze atangazwa.
2. Once Upon a Time
in Hollywood
Ni filime iri mu bwoko bwa Comedy/Drama ikaba icuruzwa na Sony/Columbia, yasohotse kuri uyu wa gatanu tariki 26/07/2019, icuruzwa muri Amerika gusa kugeza ubu. Ihuriwemo n’abakinnyi bakomeye nka Leonardo DiCaprio, Brad Pitt, Margot Robbie, Dakora Fanning, Luke Perry n’abandi. Kugeza ubu icuruzwa muri Amerika gusa, ikaba imaze kwinjiza $40,350,000, ni mu gihe ayo byatwaye ngo itunganywe atigeze atangazwa.
3. Spider-Man: Far from Home
Spiderman ni filime imaze imyaka myinshi isohoka ndetse ikaba
ikunzwe na benshi. Ku itariki 02/07/2019 hasohotse igice cyayo cyitwa
Spider-Man: Far from Home, ni filime ya Sony/Columbia, yasohotse ku itariki
02/07/2019, ikaba iri mu bwoko bwa Action/Adventure. Muri Amerika gusa, muri
iyi weekend iyi filime yinjije $12,200,000. Kuva yasohoka, ku isi hose iyi filime
imaze kwinjiza $1,036,855,270, kuyikora byatwaye
miliyoni 160 z’amadolari, ubushize niyo yari ku mwanya wa 2.
4. Toy Story 4
yi filime yasohotse tariki 21/06/2019 icuruzwa na Buena
Vista, ikaba irimo abakinnyi nka Tom Hanks, Jordan Peele, Keanu Reeves
n’abandi, bakoreshejwe mu buryo bw’amajwi. Muri amerika gusa, iyi filime
yinjije $9,872,000 muri weekend, ku isi
hose yinjije $917,928,506, ayo byatwaye ngo itunganywe ntiyigeze
atangazwa, ubushize yari ku mwanya wa 3.
5. Crawl
Ni filime nshya yasohotse kuri uyu wa gatanu tariki
12/07/2019. Icuruzwa na Paramount, muri iyi weekend yinjije $4,000,000 muri Amerika gusa. Ni
filime iteye ubwoba, ku isi hose imaze kwinjiza $45,862,793, kuyikora byatwaye miliyoni 13.5
z’amadolari, ubushize yari ku mwanya wa 4.
6. Yesterday
Muri iyi weekend iyi filime yinjije $3,000,000, iri mu bwoko bw’urwenya, yasohotse tariki 28/06/2019. Kuva
yasohoka kugeza ubu, imaze kwinjiza $109,641,550, kuyikora byatwaye
miliyoni 26 z’amadolari, ubushize n’ubundi yari ku mwanya wa 5.
7. Aladdin (2019)
Iri mu bwoko bwa Fantasy yasohotse tariki 24/05/2019 ndetse
umukinnyi w’imena muri yo ni Will Smith. Icuruzwa na Buena Vista, yasohotse
benshi bayitegereje kubera uburyo Will Smith yayamamaje mbere y’uko isohoka.
Muri iyi weekend yinjije $2,788,000 muri Amerika gusa, ku
isi hose imaze kwinjiza $1,009,728,586, kuyikora byatwaye miliyoni 183 z’amadolari; ubushize niyo yari ku mwanya
wa 7 n’ubundi.
8. Stuber
Ni filime iri mu bwoko bwa Action Comedy nayo yasohotse kuri
uyu wa gatanu tariki 12/07/2019 ikaba icuruzwa na Fox. Muri iyi weekend yinjije $1,679,000, ku isi hose yinjije $25,342,989. Amafaranga byatwaye ngo iyi filime
itunganywe ntiyigeze atangazwa, ubushize yari ku mwanya wa 6.
9. Annabelle Comes Home
Ni filime iteye ubwoba yaje isanga ibindi bice
byayibanjirije, yasohotse ku itariki 26/06/2019, icuruzwa na Warner Bros (New
Line). Muri iyi weekend yinjije $1,560,000, kuva yasohoka kugeza ubu imaze kwinjiza $207,436,963, ayo byatwaye ngo
itunganywe ntiyigeze atangazwa. Ubushize niyo yari ku mwanya wa 8.
10. The Farewell
Iyi filime iri mu bwoko bwa Comedy/Drama ikaba icuruzwa na
A24. Yasohotse ku itariki 12/07/2019 ndetse muri iyi weekend yinjije $1,553,864. Kuva
yasohoka kugeza ubu icuruzwa muri Amerika gusa, ikaba imaze kwinjiza $3,686,854. Ubushize yari ku mwanya wa 12.
TANGA IGITECYEREZO