RFL
Kigali

CECAFA Kagame Cup 2019: Azam FC yasezereye AS Maniema FC kuri Penaliti-AMAFOTO

Yanditswe na: Editor
Taliki:19/07/2019 21:31
0


Wari umukino wa nyuma wa 1/2 mu mikino ya CECAFA Kagame Cup 2019 wabereye kuri Sitade ya Kigali i Nyamirambo aho Azam FC yasezereye AS Maniema FC iyitsinze Penaliti 5-4, nyuma yo kurangiza iminota 90 banganya 0-0.



Uyu mukino watangiye utinze nyuma yo gukererwaho iminota isaga 10 ugatangira saa 18h10. Nubwo watangiye utinze wari umukino witabiriwe n’abakunzi benshi bari baje gushyigikira ikipe ya AS Maniema yo muri DR Congo, bari bafite amabendera y’igihugu cya DR Congo.

Abakinnyi 11 ba Azam FC babanje mu kibuga 

Abakinnyi 11 ba AS Maniema babanjemo

Ku munota wa 6 w’umukino Abdallah Masoud yahushije uburyo bwashoboraga kuvamo igitego cya mbere cya Azam, aho yateye umupira ugaca hejuru y’umutambiko w’izamu gato. Ni umukino watangiye ikipe ya Azamu FC iri hejuru cyane aho mu minota 15 ya mbere yageze imbere y'izamu inshuro nyinshi ariko ntiyabibyaza umusaruro.

Amakipe yombi yinjira mu kibuga mbere ya Match 

Nyuma yuko ikipe ya Azam FC yihariye iminota 15 ibanza ikipe ya AS Maniema yagarutse nyuma yayo iri hejuru cyane, aho yaje guhengekeraho ikibuga ku ikipe ya Azam FC, ariko ntiyabasha kureba mu izamu. Igice cya mbere cyaje kurangira amakipe yombi anganyije ubusa ku busa.

Iddi Kipagwile umukinnyi wa Azam FC afite umupira

Igice cya kabiri cyagaragaye bitandukanye nuko icya mbere cyatangiye, aho ikipe ya AS Maniema yaje iri hejuru cyane yataka bikomeye ikipe ya Azam FC, ariko Razak Abalora umunyezamu wa Azam FC agakomeza kubabera ibamba agakuramo imipira.

Abakinnyi ba Azam bataka izamu rya AS Maniema 

Ku munota wa 88 w’umukino Mapumba Katomba Marcel yateye umupira washoboraga kuvamo igitego cya mbere cya AS Maniema, ariko umunyezamu wa Azam FC witwaye neza muri uyu mukino aza kuwukuramo. Iminota 90 y’umukino yarangiye, maze umusifuzi yongeraho iminota itatu aho mu minota y'inyongera Azam FC yabonye uburyo bwashoboraga kuvamo igitego ariko ntiyabasha kureba mu izamu.

Donald Ngoma umukinnyi wa Azam FC wambaye 11 yataka izamu

Nk'uko amategeko abigena haje kwiyambazwa iminota 30 ya kamarampaka, aho amakipe yose yagarutse ari hejuru yatakana ntayishaka kuba yakwerekeza muri Penaliti, ikipe ya AS Maniema yakomeje gusatira cyane ariko umuzamu wa Azam FC witwaye neza akomeza kubabera ibamba ku munota wa 119 Lusadisu Basisila Guy yakuyemo umunyezamu Matuele Monzobo yinjizamo Tibola Kilebela Linecker ngo amufashe kuba yakuramo Penaliti. Iminota 30 ya kamarampaka yaje kurangira amakipe yose anganyije 0-0.


Azam FC yasezereye AS Maniema FC iyitsinze Penaliti 5-4, ikaba igeze ku mukino wa nyuma aho izahura na KCCA FC. Azam FC igeze ku mukino wa nyuma ni yo yegukanye igikombe giheruka itsinze Simba SC 2-1.

Ikipe ya Azam FC yishimira ko igeze ku mukino wa nyuma

Abakinnyi 11 babanjemo ku ruhande rwa Azam FC (Tanzania)

Razak Abalora (GK 16), Bruce Kangwa (C 26), Oscra Masai 15, Yakubu Mohamed 5, Daniel Amoah 3, Salmin Iddi Hoza 22, Abdallah Masoud 28, Idd Saleman 23, Paul Peter 20, Dorald Ngoma 11, Abdul Haji 2.

Abakinnyi 11 babanjemo ku ruhande rwa AS Maniema (DR Congo) Matumele Monzobo Arnold (GK 33), Ngimbi Mvumbi Merceil (C 18), Bonaventure Mbuka 6, Mapumba Kantomba Marcel 23, Sefu Masumbuko Pierre 4, Atibu Radjabu Johnson 20, Lema Sumaka 12, Lompala Bokamba Peter 14, Likwela Yemaya Denis 8, Kilangalanga Pame Glody 9 na Basiala Amongo Agee.

Andi mafoto






Inkuru ya Paul Mugabe

PHOTOS: Saddam MIHIGO






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND