Ahmad Amad Perezida wa CAF yatangaje ko imikino ya CAF Confederation Cup na CAF Champions League izajya ikinwa rimwe hatazongera kubaho imikino ibiri, umukino ubanza n’uwo kwishyura.
Muri iki gitondo tariki ya 17 Nyakanga 2019 ni bwo umuyobozi w’impuzamashyiramwe y’amafederatiyo y’umupira w’amaguru ku mugabane w’Afrika (CAF), Ahmad Amad abinyujije kuri Twitter yatangaje ko hatozengera kujya haba imikino ibiri ku mukino wa nyuma haba muri CAF Confederation Cup na CAF Champions League.
Ahmad Amad yagize ati "Twafashe icyemezo mu nama twakoze ko CAF Confederation Cup na CAF Champion League imikino ya nyuma hazajya hakinwa umukino umwe hatazajya hakinwa imikino ibiri nk'uko byari bisanzwe”. Uyu muyozi yavuze ko bizahita bikurikizwa umwaka utaha w’imikino.
Ubutumwa Ahmad Amad Perezida wa CAF yanditse kuri Twitter
Undi mwanzuro CAF yafashe ni uwo kongera amakipe yitabira imikino y’abari n’abategarugori akava ku makipe 8 akagera ku makipe 12. Ibi byatangajwe mu gihe ubusanzwe hajyaga haba imikino ibiri aho ikipe zageraga ku mukino wa nyuma zakinaga umukino ubanza n’uwo kwishyura haba muri CAF Confederation Cup ndetse na CAF Champions League.
Paul Mugabe/ Inyarwanda.com
Eng
RSS 
TANGA IGITECYEREZO