Muri 2006 nibwo Twitter yabayeho: bimwe mu byaranze uyu munsi mu mateka

Ibintu by’ingenzi byaranze uyu munsi mu mateka y’isi:

1099: Mu ntambara z’abakirisitu n’aba Islam, abasirikare b’abakirisitu bafashe urusengero rwa Mutagatifu Sepulchre rw’I Yerusalemu nyuma y’igitero gikomeye barugabyeho.

1149: Urusengero rwa Mutagatifu Sepulchre rw’I Yerusalemu rwagizwe ahantu hatagatifu.

1823: Inkongi y’umuriro yatwitse Basilica ya mutagatifu petero I Roma irangirika cyane.

1888: Ikirunga cyasaga nk’aho cyazimye kikaba umusozi mu ntara ya Fukushima mu buyapani cyararutse gihitana abantu barenga 500.

1919: Mu mujyi wa Seattle ho muri Washington muri Leta zunze ubumwe za Amerika, abagabo 2 William Boeing na George Conrad Westervelt bashinze ikompanyi ikora indege bari bise Pacific Aero Products ariko nyuma baje guhindurira izina ikitwa Boeing.

1957: Indege ya mbere yo mu bwoko bwa Boeing 367-80 nibwo yagurutse.

1966: Mu ntambara yo muri Vietnam, ingabo za Amerika na Vietnam y’amajyepfo zatangiye igikorwa cyo kwirukana ingabo za Vietnam y’amajyaruguru mu gace katari kemerewe kujyamo ingabo.

2003: Ikigo cya AOL Time Warner cyahagaritse ikigo cya Netscape, hahita havukira umuryango wa Mozilla Foundation ariwo wakoze porogaramu ya Mozilla Fire Fox yifashishwa mu kugera kuri interineti.

2006: Urubuga nkoranyambaga rwa Twitter rwashyizwe hanze, rukaba ari rumwe mu mbuga nkoranyambaga zikoreshwa cyane ku isi kugeza ubu.

Abantu bavutse kuri uyu munsi:

1927: Carmen Zapata, umukinnyikazi wa filime w’umunyamerika akaba umwe mu bashinze ishyirahamwe ry’abakinnyi ba filime (Screen Actors Guild) nibwo yavutse, aza kwitaba Imana mu 2014.

1950: Arianna Huffington, umwanditsi w’ibitabo, akaba n’umunyamakurukazi w’umunyamerika ufite inkomoko mu Bugereki, akaba ariwe washinze ikinyamakuru cya The Huffington Post yabonye izuba.

1952: Terry O'Quinn, umukinnyi wa filime w’umunyamerika nibwo yavutse.

1953: Jean Bertrand Aristide, umupadiri akaba n’umunyapolitiki wabaye perezida wa 5 wa Haiti nibwo yabonye izuba.

1961: Forest Whitaker, umukinnyi wa filime w’umunyamerika, wakinnye ari Idi Amin muri filime The Last King of Scotland yabonye izuba.

1976: Diane Kruger, umukinnyikazi wa filime w’umunyamerika ufite inkomoko mu Budage akaba n’umunyamideli vnibwo yavutse.

1981: Alou Diarra, umukinnyi w’umupira w’amaguru w’umufaransa nibwo yavutse.

Abantu bitabye Imana uyu munsi:

1871: Tad Lincoln, umuhungu wa Abraham Lincoln wabaye perezida wa Leta zunze ubumwe za Amerika yitabye Imana.

1940: Robert Wadlow, umunyamerika wari ufite agahigo ko kuba yari we muntu muremure ku isi yitabye Imana ku myaka 22 y’amavuko.

1996: Dana Hill, umunyamerikakazi w’umukinnyi wa film nibwo yitabye Imana.

1997: Gianni Versace, umudozi w’umutaliyani, akaba ariwe wahimbye ubwoko bw’imyenda bwa Versace yaratabarutse, ku myaka 51 y’amavuko.

Iminsi mikuru yizihizwa uyu munsi:

Uyu munsi ni umunsi mukuru wa Mutagatifu Bonaventure na Editha