iTel
Kigali

Famille Abana b’Inkuba yateguye igiterane yatumiyemo korali Jehovah Jireh

Yanditswe na: Mupende Gedeon Ndayishimiye
Taliki:12/07/2019 17:20
0

Famille Abana b’Inkuba ni umuryango w’abanyamasengesho baturuka mu bice bitandukanye bo muri ADEPR. Uyu muryango umaze imyaka isaga 15 ukaba ugizwe n’abanyamuryango barenga 80, wateguye igiterane cyatumiwemo amakorali atandukanye arimo na Jehovah Jireh ya ULK.



Famille Abana b’Inkuba imenyerewe ku bikorwa bitandukanye birimo gutegura ibiterane by’ivugabutumwa muri Paroisse zitandukanye zo mu itorero rya ADEPR ndetse n’ibikorwa by’urukundo birimo kubakira abantu, kuremera abatishoboye n’ibindi. Kuri iyi nshuro, Abana b’inkuba bateguye igiterane cyo gushima Imana kuva kizamara icyumweru kuva kuwa 21-28/7/2019.

Iki giterane kizabera muri ADEPR Paroisse ya JABANA ku mudugudu wa Bweramvura kigamije ivugabutumwa ndetse no gukorera Imana. Iki giterane kizitabirwa n’amakorari akunzwe nka Jehovajireh ya ULK na korari EBENEZER ya ADEPR Ruvumera i Muhanga ifite umwihariko wo kuvuza ipendo hakiyongeraho na korali zo muri iyi paroisse nka Ahava ya Nyacyonga, Boazi Yakini ya Kabuye n’izindi.

Rev Pastor Alphonse RYUMUGABE uyobora Paroisse ya Jabana ndetse akaba n’umuyobozi wa Famille Abana b’inkuba yavuze ko iki giterane kizaba gifite umwihariko kandi ngo umuvugabutumwa wese uvuga neza Ijambo ry’Imana azaba ahari. 

Yagize ati "Dusanzwe dutegura ibiterane by’ivugabutumwa nka Mission ya Yesu ariko iki cyiciro tuzavuga ubutumwa ariko twongereho no gukora imirimo y’Imana ku rusengero wa Jabana. Iki giterane gifite umwihariko wo gushima Imana kuko icyo duheruka cyari icyo kubaka kandi twahamagariraga abantu kuza tukubaka ariko noneho turabahamagara bose baze dushime Imana."

Abana b’Inkuba baherukaga ikindi giterane gikomeye bakoreye kuri ADEPR Kimihurura bari batumiyemo korali Gosheni ya Musanze bagamije kubaka urusengero. Muri 2018 bakoze ikindi gikomeye bubaka urusengero i Rutonde muri Rwamagana bafatanyije na korali Jehovah Jireh.


Jehovah Jireh choir yatumiwe mu giterane cyateguwe na Famille Abana b'Inkuba








Inyarwanda BACKGROUND

Copyright © 2008-2019 Inyarwanda Ltd
RSS