Inyarwanda art Studio
Kigali

Shampiyona y’icyiciro cya kabiri mu Rwanda igeze aharyoshye baraza gukina imikino ya ¼ yo kwishyurura mu mpera z’icyumweru

Yanditswe na: Editor
Taliki:12/07/2019 12:35
0

Mu mpera z’iki cyumweru tariki ya 13 na 14 Nyakanga 2019 hirya no hino ku bibuga bitandukanye mu Rwanda haraza gukinwa imikino yo kwishyura ya ¼ aho Gasogi United izakina n’Intare, Etoile de l’est FC ikine na Vision JN, Heroes FC ihure na Vision FC naho Sorwathe ikine na Rwamagana City FC.



Umukino ubimburira indi muri iyi mikino yo kwishyura uzaba tariki ya 13 Nyakanga 2019 kuri sitade ya Mumena saa 15h30 ukaba uzahuza Gasogi United na Intare FC. Umukino ubanza Gasogi United yari yanyagiye Intare ibitego 4-1 iyisanze iwayo, n’umukino ikipe y’Intare FC isabwa gutsinda ibite 5 ku busa kugira ngo ibe yabasha kwerekeza muri ½ cy’irangiza.

Ikipe ya Vision JN isabwa gutsinda ibitego 2-0 kugira ngo ibe yabasha kwerekeza muri 1/2

Indi mikino izaba tariki ya 14 Nyakanga 2019, aho Etoile de l’est FC izakira Vision JN i Ngoma, nyuma yuko umukino ubanza Etoile de l’est FC yatsinze Vision JN 1-0, Vision JN ikaba isabwa gutsinda 2-0, kugirango ibe yakomeza mucyiciro gikurikiyeho.

Heroes FC izakira Vision FC kuri Sitade ya Kicukiro kuri iki cyumweru taliki ya 14 Nyakanga 2019, naho Sorwathe FC izakire Rwamagana City FC nyuma y’uko umukino ubanza banganyije ubusa ku busa.

Muri rusange dore uko imikino yo kwishyura iteganyijwe mu mpera z’iki cyumweru:

Tariki ya 13 Nyakanga 2019

Gasogi United vs Intare FC (Stade Mumena, 15h30)

Tariki ya 14 Nyakanga 2019

Etoile de l’est FC vs Vision JN (Ngoma, 15h30)

Heroes FC vs Vision FC (Kicukiro, 15h30)

Sorwathe FC vs Rwamagana City FC (Kinihira, 15h30)


Paul Mugabe/ Inyarwanda.com








Inyarwanda BACKGROUND