RFL
Kigali

CECAFA Kagame Cup 2019: Danny Usengimana yatsinze bibiri muri 4 APR FC yatsinze Heegan FC-AMAFOTO

Yanditswe na: Mihigo Saddam
Taliki:11/07/2019 18:34
1


Ikipe ya APR FC yasoje imikino yo mu matsinda ari iya mbere n’amanota icyenda (9) nyuma yo gutsinda Heegan FC (Somalia) ibitego 4-0 mu mukino Danny Usengimana yatsinzemo ibitego bibiri mu minota itatu ya mbere y’umukino.



Ibitego bya APR FC byatsinzwe na Danny Usengimana (2’,3’), Niyomugabo Claude (15’) na Mugunga Yves (84’). APR FC yahise iyobora itsinda rya gatatu n’amanota icyenda (9).



Abakinnyi ba APR FC bishimira igitego 

Danny Usengimana yatsinze ibitego bibiri mu minota ibiri kuko ku munota wa 2’ yafunguye amazamu mbere yo kungamo ikindi ku munota wa 3’ w’umukino. Imipira yose yahawe na Niyomugabo Claude wanatsinze igitego ku munota wa 15’.



Niyomugabo Claude (3) yishimira igitego



Abafana ba APR FC 

Wari umukino ikipe ya APR FC yakinnye nta gihunga kuko Jimmy Mulisa umutoza mukuru wa APR FC yari yahaye amahirwe abakinnyi batakinnye imikino ibiri iheruka.



Danny Usengimana yaciye agahigo ko gutsinda ibitego bibiri mu gihe gito muri CECAFA Kagame Cup 2019


Niyonzima Olivier Sefu agenzura umupira hagati mu kibuga 

Mu bakinnyi Jimmy Mulisa yahaye amahirwe barimo; Mushimiyimana Mohammed umukinnyi wo hagati wavuye muri Police FC, Nshimiyimana Younouss umukinnyi ukiri muto ukina inyuma ahagana iburyo wavuye mu Intare FA akaba na murumuna wa Ombolenga Fitina.

Niyomugabo Claude myugariro w’ibumoso wavuye muri AS Kigali nawe yabanje mu kibuga, Nkomezi Alex wakinaga hagati muri Mukura VS, Rwabuhihi Uwineza Aimee Placide na Ntwari Fiacre (Gk).



Niyomugabo Claude (3) yagize umukino mwiza inyuma ahagana ibumoso

Mu buryo bwo gukina, Manzi Thierry, Uwineza Placide bari mu mutima w’ubwugarizi, Niyomugabo aca ibumoso mu gihe Nshimiyimana Younouss yakinaga iburyo.

Hagati mu kibuga hari Nkomezi Alex akinwa mbere na Niyonzima Olivier Sefu afatanya na Mushimiyimana Mohammed.



Mushimiyimana Mohammed (13) yatangiye neza hagati mu kibuga ha APR FC

Danny Usengimana na Sugira Ernest bari mu busatirizi mu gihe Byiringiro Lague yacaga mu ruhande rumwe ari nako akomeza kugurukana na Danny Usengimana nawe wacishakagamo akajya mu mpande.

Heegan FC ni ikipe ubona ifite abakinnyi bakiri bato ku buryo byari bigoye ko bikura imbere ya APR FC ubona irimo abakinnyi bakomeye banafite ubunararibonye.



Byiringiro Lague (14) azamukaa umupira hafi ya Ali Mohammed (7)

Mu gusimbuza, Jimmy Mulisa yakuyemo Manzi Thierry ashyiramo Mutsinzi Ange, Danny Usengimana asimburwa na Mugunga Yves mu gihe Niyonzima Olivier Sefu yasimbuwe na Ishimwe Kevin.

APR FC yasoje imikino y’amatsinda ari iya mbere n’amanota icyenda (9) ikaba izigamye ibitego bitandatu (6) mu gihe ikipe ya Green Eagles ifite amanota atandatu (6). APR FC na Green Eagles bakomeje muri ¼ cy’irangiza.

Proline FC yasoje ku mwanya wa gatatu n’amanota atatu (3) mu gihe Heegan FC idafite inota na rimwe.

Abakinnyi babanje mu kibuga:


APR FC XI: Ntwari Fiacre (Gk,30), Nshimiyimana Younouss 28 , Niyomugabo Claude 3, Manzi Thierry (C,4), Rwabuhihi Uwineza Aime Placide 6, NKomezi Alex 7, Byiringiro Lague 14, Niyonzima Olivier Sefu 21, Sugira Ernest 16, Mushimiyimana Mohammed 13 na Danny Usengimana 19.

Heegan FC XI: Mustafi Khaled (GK,1,C), Abdiram Abdi 2, Suleiman Saidi 16, Abdinor Essebuliba 15, Omar Haji Banow 8, Mahad Ali Ahmed 4, Abdirazak Ali Mohammed 7, Mahamad Hussein 14, Nyanzi Ronald 20, Abdiwel Abderlahman 17 na Abdinalib Nuur Ali 9


11 ba Heegan FC babanje mu kibuga 



Abasifuzi n'abakapiteni





Abasimbura ba APR FC 

Kuri uyu wa Gatanu imikino izakomereza kuri sitade Huye hakinwa imikino ya nyuma mu itsinda rya kabiri (B) aho Azam FC izakina na FC Bandari (15h30’) mu gihe Mukura VS izacakirana na KCCA (18h00’).

Dore imikino iteganyijwe:

Group C:

-Green Eagles 2-1 Proline FC (Stade ya Kigali)

-APR FC 4-0 Heegan (Stade ya Kigali)

Imikino iteganyijwe kuri uyu wa Gatanu:

-Aza m FC vs FC Bandari (Stade Huye, 15h30’)

-Mukura VS vs KCCA (Stade Huye, 18h00’)





Nshimiyimana Younous murumuna wa Ombolenga Fitina    




Byiringior Lague akora ibintu byinshi akabura igitego mu mukino



Sugira Ernest (16) agana ku izamu rya Heegan FC 









APR FC yiyunze n'abafana muri CECAFA Kagame Cup 2019 nyuma yo kugira umwaka mubi w'imikino 2018-2019

PHOTOS: Saddam MIHIGO


Tags:




TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Diane mujawimana4 years ago
    ikipe yacu nikomereze aho na cekafa harikizere cyokuyitwara





Inyarwanda BACKGROUND