iTel
Kigali

APR FC vs Heegan: Mulisa yakoze impinduka ziha abakinnyi amahirwe yo kwigaragaza muri CECAFA Kagame cup 2019

Yanditswe na: Mihigo Saddam
Taliki:11/07/2019 14:25
0

Mu gihe ikipe ya APR FC igomba gucakirana na Heegan mu mukino wa nyuma w’itsinda rya gatatu (C) mu mikino ya CECAFA Kagame Cup 2019, Jimmy Mulisa umutoza wa APR FC yatanze amahirwe ku bakinnyi biganjemo abatarakinnye imikino ibiri iheruka babanza mu kibuga.



Mu bakinnyi Jimmy Mulisa yahaye amahirwe barimo; Mushimiyimana Mohammed umukinnyi wo hagati wavuye muri Police FC, Nshimiyimana Younouss umukinnyi ukiri muto ukina inyuma ahagana iburyo wavuye mu Intare FA akaba na murumuna wa Ombolenga Fitina.

Niyomugabo Claude myugariro w’ibumoso wavuye muri AS Kigali nawe arabanza mu kibuga, Nkomezi Alex wakinaga hagati muri Mukura VS, Rwabuhihi Uwineza Aimee Placide na Ntwari Fiacre (Gk) bose barabanza mu kibuga.

Niyomugabo Claude (3), Nshimiyimana Younnous(28), Mushimiyimana Mohammed (13), Rwabihihi Placide (6) bose barabanza mu kibuga

Ikipe ya APR FC iyoboye itsinda rya gatatu n’amanota atandatu (6) yakuye mu gutsinda Proline FC (1-0) na Green Eagles (1-0) ndetse ikaba yaranabonye itike ya ¼ cy’irangiza.

Abakinnnyi 11 ba APR FC babanza mu kibuga bagizwe na; Ntwari Fiacre (Gk,18), Nshimiyimana Younouss 28 , Niyomugabo Claude 3, Manzi Thierry (C,4), Rwabuhihi Uwineza Aime Placide 6, NKomezi Alex 7, Byiringiro Lague 14, Niyonzima Olivier Sefu 21, Sugira Ernest 16, Mushimiyimana Mohammed 13 na Danny Usengimana 19.


Danny Usengimana arabanza mu kibuga kuko umukino wa Green Eagles yinjiye asimbuye

Abasimbura: Rwabugiri Omar (GK,1), Ombolenga Fitina 25, Imanishimwe Emmanuel 24, Mutsinzi Ange Jimmy 5, Niyonzima Ally 8, Buteera Andrew 20, Imanishimwe Djabel 10, Ishimwe Kevin 11 na Mugunga Yves 9.


Manzi Thierry (C,4) arakomeza kuba umuyobozi wa bagenzi be

Dore imikino iteganyijwe:

Group C:

-Green Eagles vs Proline FC (Stade ya Kigali, 13h30’)

-APR FC vs Heegan (Stade ya Kigali, 15h30’)


Nkomezi Alex (7) arabanza mu kibuga


Rwabuhihi Uwineza Aimee Placide (6) wavuye muri SC Kiyovu arabanza mu kibuga


Niyimugabo Claude (3) wahoze muri AS Kigali arabanza mu kibuga



Tags:





Inyarwanda BACKGROUND