Inyarwanda art Studio
Kigali

BOX OFFICE: Spider-Man: Far from Home niyo filime yagurishijwe cyane kurusha izindi muri iyi weekend turangije

Yanditswe na: UDAHOGORA Vanessa Peace
Taliki:8/07/2019 22:31
1

Spiderman ni filime imaze imyaka myinshi isohoka ndetse ikaba ikunzwe na benshi. Kuri ubu hasohotse igice cyayo cyitwa Spider-Man: Far from Home, kikaba ari nacyo kiyoboye izindi filime zose ziri kugurishwa cyane ku isi.



1. Spider-Man: Far from Home


Ni filime ya Sony/Columbia, yasohotse ku itariki 02/07/2019, ikaba iri mu bwoko bwa Action/Adventure. Muri Amerika gusa, muri iyi weekend iyi filime yinjije $93,600,000. Kuva yasohoka, ku isi hose iyi filime imaze kwinjiza $580,055,628, kuyikora byatwaye miliyoni 160 z’amadolari.

2. Toy Story 4


Iyi filime yasohotse tariki 21/06/ icuruzwa na Buena Vista, ikaba irimo abakinnyi nka Tom Hanks, Jordan Peele, Keanu Reeves n’abandi, bakoreshejwe mu buryo bw’amajwi. Muri amerika gusa, iyi filime yinjije $34,300,000 muri weekend, ku isi hose yinjije  $652,379,131, ayo byatwaye ngo itunganywe ntiyigeze atangazwa, ubushize yari ku mwanya wa mbere.

3. Yesterday


Muri iyi weekend iyi filime yinjije $10,750,000, iri mu bwoko bw’urwenya, yasohogtse tariki 28/06/2019. Kuva yasohoka kugeza ubu, imaze kwinjiza $10,750,000, kuyikora nbyatwaye miliyoni 26 z’amadolari, kuva yasohoka kugeza ubu imaze kwinjiza $56,882,740, ubushize n’ubundi yari ku mwanya wa 3.

4. Annabelle Comes Home


Ni filime iteye ubwoba ije isanga ibindi bice byayibanjirije, yasohotse ku itariki 26/06/2019, icuruzwa na Warner Bros (New Line). Muri iyi weekend yinjije $9,750,000, kuva yasohoka kugeza ubu imaze kwinjiza $134,457,397, ayo byatwaye ngo itunganywe ntiyigeze atangazwa. Ubushize niyo yari ku mwanya wa kabiri.

5. Aladdin (2019)


ri mu bwoko bwa Fantasy yasohotse tariki 24/05/2019 ndetse umukinnyi w’imena muri yo ni Will Smith. Icuruzwa na Buena Vista, yasohotse benshi bayitegereje kubera uburyo Will Smith yayamamaje mbere y’uko isohoka. Muri iyi weekend yinjije $7,600,000 muri Amerika gusa, ku isi hose imaze kwinjiza $922,790,019kuyikora byatwaye miliyoni 183 z’amadolari; ubushize niyo yari ku mwanya wa kane.

6. Midsommar


Nayo ni filime iteye ubwoba icuruzwa na A24, muri iyi weekend yinjije $6,561,798 ikaba ari na nshya kuri uru rutonde. Yasohotse tariki 03/07/2019, kugeza ubu iri gucuruzwa muri Amerika gusa. Kuva isohotse kugeza ubu, imaze gucuruzwamo $10,902,112, ayo byatwaye ngo itunganywe ntiyigeze atangazwa.

7.  The Secret Life of Pets 2


The Secret Life of Pets 2 ni igice cya kabiri. Icya mbere cyasohotse muri 2016. Muri iyi weekend iki gice cya kabiri cyinjije $4,760,000 muri Amerika gusa. Iki gice kirimo abakinnyi nka Kevin Hart, Harrison Ford na Tiffany Haddish mu buryo bw’amajwi. Ni filime yasohotse tariki 07/06/2019, icuruzwa na Universal, ikaba iri mu bwoko bwa animation. Uteranyije amafaranga yose iyi filime yacurujwe ku isi agera kuri $263,543,335, kuyikora byo byari byatwaye miliyoni 80 z’amadolari, ubushize yari ku mwanya wa 5.

8. Men in Black International


Tariki 14/06/2019 nibwo iyi filime yasohotse, iri mu bwoko bwa Sci-Fi Comedy ikaba icuruzwa na Sony/Columbia. Muri iyi weekend yinjije $3,635,000, kuva yasohoka kugeza ubu imaze kwinjiza $244,489,949, kuyikora byatwaye miliyoni 110 z’amadolari. Ubushize niyo yari ku mwanya wa 6.

9. Avengers: Endgame


Iyi filime muri iyi weekend yinjije $3,100,000 muri Amerika gusa, yasohotse tariki 26/04/2019, kugeza ubu iyi filime yinjije $2,772,451,235. Niyo filime iheruka ya MCU (Marvel Cinematic Universe), uruhererekane rwa za filime zo mu bwoko bwa superhero zikomoka muri Marvel Comics. Izi filime zatangiye gukorwa muri 2007, kugeza ubu zimaze kuba 22. Avengers: Endgame kuyikora byatwaye miliyoni 356 z’amadolari. Ubushize yari ku mwanya wa 7.

10. Rocketman


Ni filime yo mu bwoko bwa Musical, yasohotse tariki 31/05/2019, muri iyi weekend yinjije $2,775,000 muri Amerika gusa, ku isi hose imaze kwinjiza $173,869,715. Icuruzwa na Paramount, kuyikora byatwaye miliyoni 40 z’amadolari, ubushize yari ku mwanya wa 9.

 







IBITECYEREZO

  • Emmanwer Nzaramba2 months ago
    izifrime ziraturyohera munyigisho zikaba akarusho.


Inyarwanda BACKGROUND