Inyarwanda art Studio
Kigali

APR FC yatangiye umwiherero yitegura CECAFA Kagame Cup 2019 nyuma yo kunyagira Interforce FC

Yanditswe na: Mihigo Saddam
Taliki:3/07/2019 21:57
5

Ikipe ya APR FC yanyagiye Interforce FC ibitego 7-0 mu mukino wa gicuti wabahuje kuri uyu wa Gatatu tariki ya 3 Nyakanga 2019 bakina bya gicuti muri gahunda yo kurushaho kwitegura neza imikino ya CECAFA Kagame Cup 2019.



CECAFA Kagame Cup 2019 ni irushanwa rigomba gutangira kuwa Gatandatu tariki ya 6 Nyakanga 2019 ubwo ikipe ya APR FC izaba ihura ba Proline FC (Uganda).

Mu mukino APR FC yatsinzemo Interforce FC ibitego 7-0, Manishimwe Djabel na Manzi Thierry bavuye muri Rayon Sports bagize ibibazo by’imvune bidakanganye biteganyijwe ko kuri uyu wa Kane tariki ya 4 Nyakanga 2019 bazakomeza imyitozo nl’ibisanzwe.


Mutsinzi Ange Jimmy umukinnyi mushya muri APR FC

Muri uyu mukino, Sugira Ernest yatsinzemo ibitego bibiri (20’, 51’), Danny Usengimana niwe wafunguye amazamu ku munota wa cumi (10’) ahawe umupira na Manishimwe Djabel, Imanishimwe Emmanuel (36’), Byiringiro Lague (41’), Ngabonziza Gilles na Mugunga Yves (88’).

Jimmy Mulisa wari ufite gahunda yo kureba uko abakinnyi bashya bahagaze, yabanjemo Rwabugiri Omar (Gk,1), Ombolenga Fitina 25, Imanishimwe Emmanuel 24, Mutsinzi Ange Jimmy, Niyonzima Ally 8, Usengimana Danny 15, Buteera Andrew (C,20), Sugira Ernest 16, Hakizimana Muhadjili 10, Manzi Thierry 4 na Manishimwe Djabel 28.


Mushimiyimana Mohammed umukinnyi wo hagati wavuye muri Police FC

Abasimbura bari; Ntwari Fiacre (GK), Ahishakiye Hertier (GK), Niyigena Clement, Nkomezi Alex, Niyonzima Olivier Sefu, Mushimiyimana Mohammed, Mugunga Yves, Byiringiro Lague, Ngabonziza Gilles na Younous.


Niyonzima Olivier Sefu umukinnyi wo hagati wavuye muri Rayon Sports

Nyuma ni bwo habayeho impinduka abakinnyi barimo; Rwabugiri Omar (GK), Niyonzima Ally, Manishimwe Djabel, Hakizimana  Muhadjili na Danny Usengimana basimbuwe na Ntwari Fiacre (GK), Nkomezi Alex, Mushimiyimana Mohammed, Niyonzima Olivier Sefu na Byiringiro Lague.


Nkomezi Alex umukinnyi wo hagati wavuye muri Mukura VS i Huye

Nyuma y’umukino, ikipe ya APR FC bahise bajya i Shyorongi aho bagiye gutangira umwiherero bitegura imikino ya CECAFA Kagame Cup 2019 igomba gutangira kuri uyu wa Gatandatu tariki 6-21 Nyakanga 2019.

Photos: APR FC
   






IBITECYEREZO

  • mupenz2 months ago
    sef djabel Thierry murababaje kbx ikip murwanda nimwe kndi ntawe ugambanira rayon yacu muzaba nka savio ababer urugero basore ikip y ijuru rayon amamara
  • umuhire didier2 months ago
    apr we nzagukunda paka ?ntukuza kubita gasenyi ,ariko rwose byumwihariko kagame cup duzabafana rwose tubarinyu pe?ariko zirtko ntagende !muzi nibindi abakinnyi mwirukanye harimo rugwiro.kimenyi.ntabandi nimujya muhura mujye mwitonda cyane ariko niba dutere ubwoba ,mbifurije inzinzi ,suhuza omornga ,
  • mupenzi olivier2 months ago
    umunyarwanda yaciye umugani ngo ntawihuta nkuwayobye sefu kuri benshi kweri natuze azibonera akazamubaho uwo mugambanyi
  • Ngango2 months ago
    Ko batangiye barya bench.
  • bihoyiki Emmy 2 months ago
    mutsinzi turamwishi miye cyane


Inyarwanda BACKGROUND