Inyarwanda art Studio
Kigali

BOX OFFICE: Toy Story 4 niyo filime iri kugurwa cyane kurusha izindi ku isi

Yanditswe na: UDAHOGORA Vanessa Peace
Taliki:24/06/2019 14:18
0

Iyi ni filime yo mu bwoko bwa animation icuruzwaq na Buena Vista, yasohotse kuri uyu wa gatanu tariki 21/06/2019. Kugeza ubu niyo filime ibimburiye izindi mu zacurujwe cyane muri weekend ku isi hose.



1. Toy Story 4


Iyi filime irimo abakinnyi nka Tom Hanks, Jordan Peele, Keanu Reeves n’abandi, bakoreshejwe mu buryo bw’amajwi. Muri amerika gusa, iyi filime yinjije $118,000,000 muri weekend, ku isi hose yinjije  $238,000,000, ayo byatwaye ngo itunganywe ntiyigeze atangazwa.

2. Child’s Play (2019)


Ni filime iteye ubwoba ikorwa na United Artists Releasing, nayo yasohotse kuri uyu wa gatanu tariki 21/06/2019. Kugeza ubu icuruzwa muri Amerika gusa, yinjije $14,055,540 ari nayo mafaranga yonyine imaze kwinjiza, kuyikora byari byatwaye miliyoni 10 z’amadolari.

3. Aladdin (2019)


Iri mu bwoko bwa Fantasy yasohotse tariki 24/05/2019 ndetse umukinnyi w’imena muri yo ni Will Smith. Icuruzwa na Buena Vista, yasohotse benshi bayitegereje kubera uburyo Will Smith yayamamaje mbere y’uko isohoka. Muri iyi weekend yinjije $12,200,000 muri Amerika gusa, ku isi hose imaze kwinjiza $810,110,128, kuyikora byatwaye miliyoni 183 z’amadolari; ubushize niyo yari ku mwanya wa 3 n’ubundi.

4. Men in Black International


Tariki 14/06/2019 nibwo iyi filime yasohotse, iri mu bwoko bwa Sci-Fi Comedy ikaba icuruzwa na Sony/Columbia. Muri iyi weekend yinjije $10,750,000, kuva yasohoka kugeza ubu imaze kwinjiza $182,089,654, kuyikora byatwaye miliyoni 110 z’amadolari. Ubushize niyo yari ku mwanya wa mbere.

5. The Secret Life of Pets 2


The Secret Life of Pets 2 ni igice cya kabiri. Icya mbere cyasohotse muri 2016. Muri iyi weekend iki gice cya kabiri cyinjije $10,290,000 muri Amerika gusa. Iki gice kirimo abakinnyi nka Kevin Hart, Harrison Ford na Tiffany Haddish mu buryo bw’amajwi. Ni filime yasohotse tariki 07/06/2019, icuruzwa na Universal, ikaba iri mu bwoko bwa animation. Uteranyije amafaranga yose iyi filime yacurujwe ku isi agera kuri $194,683,535, kuyikora byo byari byatwaye miliyoni 80 z’amadolari, ubushize yari ku mwanya wa 2.

6. Rocketman


Ni filime yo mu bwoko bwa Musical, yasohotse tariki 31/05/2019, muri iyi weekend yinjije $5,650,000 muri Amerika gusa, ku isi hose imaze kwinjiza $153,428,389. Icuruzwa na Paramount, kuyikora byatwaye miliyoni 40 z’amadolari, ubushize yari ku mwanya wa 4.

7. John Wick: Chapter 3 Parabellum


Iki ni igice cya gatatu cya filime y’uruhererekane igenda isohoka mu bice yitwa John Wick. Igice cya mbere cyasohotse muri 2014, icya kabiri gisohoka muri 2017. Igice cya gatatu cyasohotse tariki 17/05/2019. Muri iyi weekend iyi filime yinjije $4,075,000, icuruzwa na Lionsgate/Summit, ayo byatwaye ngo ikorwe ntiyigeze atangazwa, kugeza ubu imaze kwinjiza $289,167,424 uhereye igihe yasohokeye. Ubushize miyo yari ku mwanya wa 8.

8. Godzilla: King of the Monsters


Godzilla: King of the Monsters ni filime yo mu bwoko bwa Science Fiction icuruzwa na Warner Bros, yasohotse tariki 31/05/2019. Kuyikora byatwaye miliyoni 170 z’amadolari, muri iyi weekend yinjije $3,700,000, kuva yasohoka kugeza ubu ku isi hose imaze kwinjiza $349,945,637. Ubushize yari ku mwanya wa 7.

9. Dark Phoenix


Ni filime yo mu bwoko bwa Action cyangwa imirwano, yasohotse kuri uyu wa gatanu tariki 07/06/2019. Icuruzwa na Fox, muri iyi weekend yinjije $3,600,000 muri Amerika gusa, ku isi hose imaze kwinjiza $232,959,311, ayo byatwaye ngo ikorwe ntiyigeze atangazwa. Irimo abakinnyi nka Sophie Turner benshi bamenye muri Game of Thrones, Jennifer Lawrence n’abandi. Ubushize yari ku mwanya wa 5.

10. Shaft (2019)


Ni ifilime y’imirwano (Action) irimo abakinnyi nka Samuel L.Jackson, Regina Hall n’abandi, icuruzwa na Warner Bros. (New Line). Yasohotse tariki 14/06/2019 kugeza ubu ikaba icuruzwa muri Amerika gusa, iyi weekend yinjije $3,555,000, kuva yasohoka kugeza ubu imaze kwinjiza $15,941,394. Ubushize yari ku mwanya wa 6.








Inyarwanda BACKGROUND