RFL
Kigali

Volleyball: UTB VC yateye intambwe ya mbere igana ku gikombe itsinda RRA-AMAFOTO

Yanditswe na: Mihigo Saddam
Taliki:13/06/2019 12:54
0


Ikipe y’abakobwa ba UTB VC yateye intambwe ya mbere igana ku gikombe cya shampiyona nyuma yo gutsinda RRA amaseti 3-1 mu mukino wa mbere wa kamarampaka (Playoffs) wakinwe ku mugoroba w’uyu wa Gatatu.



Wari umukino wa mbere wa kamarampaka amakipe yakinaga kugira ngo ikipe izatsinda imikino ibiri izahite itwara igikombe cya shampiyona 2018-2019. UTB VC iri gukina shampiyona ya mbere, yatsinze RRA amaseti 3-1 (25-17, 25-17, 18-25 na 25-17) mu mukini wamaze 1h43’.


UTB VC bishimira intsinzi 

Seti ya mbere yatwawe na UTB VC itsinze RRA amanota 25-17 inatsinda amanota 25-17 muri seti ya kabiri. Seti ya gatatu muri uyu mukino yatsinzwe na RRA n’amanota 25 mu gihe UTB VC yari ifite amanota 18. Seti ya nyuma muri uyu mukino yatsinzwe na UTB VC amanota 25 kuri 17 ya RRA bityo bishyira UTB VC mu mwanya mwiza wo kuba yazatsinda umukino utaha igahita itwara igikombe nta yindi mibare.


UTB VC iri mu mwaka wayo wa mbere 


RRA ifite akazi gakomeye tariki 16 Kamena 2019

Mu rugamba rwo guhatanira umwanya wa gatatu, ikipe y’abakobwa ba APR VC batsinze KVC amaseti 3-1 (25-27, 25-18, 25-17 na 25-19) mu mukino wamaze 1h40’.

Imikino itaha iteganyijwe tariki 16 Kamena 2019 na tariki 19 Kamena 2019 ubwo hazaba hanamenyekanye ikipe yatwaye igikombe.






Rwarutabura afana Rwanda Revenue Authority 







TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND