BOX OFFICE: Godzilla: King of the Monsters niyo filime iri ku isonga mu zigezweho ku isi

1. Godzilla: King of the Monsters

Iyi filime kugeza ubu yacurujwe cyane mu mahanga kurusha iwayo muri Amerika, kuyikora byatwaye miliyoni 170 z’amadolari, mu minsi 3 imaze ku isoko ikaba imaze gucuruzwamo $179,025,000. Muri Amerika gusa iyi filime yinjije $49,025,000.

2. Aladdin (2019)

 Iri mu bwoko bwa Fantasy yasohotse tariki 24/05/2019 ndetse umukinnyi w’imena muri yo ni Will Smith. Icuruzwa na Buena Vista, yasohotse benshi bayitegereje kubera uburyo Will Smith yayamamaje mbere y’uko isohoka. Muri iyi weekend yinjije $42,335,000 muri Amerika gusa, ku isi hose imaze kwinjiza $445,932,174, kuyikora byatwaye miliyoni 183 z’amadolari; ubushize niyo yari ku mwanya wa mbere.

3. Rocketman

Ni filime yo mu bwoko bwa Musical, yasohotse kuri uyu wa 5 tariki 31/05/2019, muri iyi weekend yinjije $25,000,000 muri Amerika gusa, ku isi hose imaze kwinjiza $56,200,000. Icuruzwa na Paramount, kuyikora byatwaye miliyoni 40 z’amadolari.

4. Ma (2019)

Ma ni filime iri mu bwoko bwa Thriller, icuruzwa na Universal, yinjije $18,260,000 muri iyi weekend, icuruzwa na Universal. Yasohotse kuri uyu wa gatanu tariki 31/05/2019, kuyikora byatwaye miliyoni 5 z’amadolari, ku isi hose imaze kwinjiza $21,060,000.

5. John Wick: Chapter 3 – Parabellum

Iki ni igice cya gatatu cya filime y’uruhererekane igenda isohoka mu bice yitwa John Wick. Igice cya mbere cyasohotse muri 2014, icya kabiri gisohoka muri 2017. Igice cya gatatu cyasohotse tariki 17/05/2019. Muri iyi weekend iyi filime yinjije $11,100,000, icuruzwa na Lionsgate/Summit, ayo byatwaye ngo ikorwe ntiyigeze atangazwa, kugeza ubu imaze kwinjiza $221,652,812 uhereye igihe yasohokeye, ubushize miyo yari ku mwanya wa 2.

6. Avengers: Endgame

Iyi filime muri iyi weekend yinjije $7,813,000 muri Amerika gusa, yasohotse kuwa 5 tariki 26/04/2019. Yaguzwe cyane mu mahanga kuko kugeza ubu wongeyeho amafaranga yacurujwe mu bindi byice byo ku isi, usanga iyi filime yarinjije $2,713,201,784. Niyo filime iheruka ya MCU (Marvel Cinematic Universe), uruhererekane rwa za filime zo mu bwoko bwa superhero zikomoka muri Marvel Comics. Izi filime zatangiye gukorwa muri 2007, kugeza ubu zimaze kuba 22. Avengers: Endgame kuyikora byatwaye miliyoni 356 z’amadolari, ubushize yari ku mwanya wa 3.

7. Pokemon Detective Pikachu

Iyi filime yasohotse tariki 10/05/2019, icuruzwa na Warner Bros., muri iyi weekend yinjije $6,665,000 muri Amerika. Gukora iyi filime byatwaye miliyoni 150 z’amadolari, kugeza ubu ku isi hose imaze kwinjiza  $392,101,211. Ubushize yari ku mwanya wa 4.

8. Booksmart

Ni filime y’urwenya icuruzwa na United Artists Releasing ikaba yarasohotse tariki 24/05/2019. Muri iyi weekend yinjije $3,328,648 muri Amerika gusa ari naho iri gucuruzwa gusa kugeza ubu, kuva yasohoka kugeza ubu imaze kwinjiza  $14,366,831. Amafaranga byatwaye ngo itunganywe ntabwo yigeze atangazwa, ubushize yari ku mwanya wa 6.

9. Brightburn

Iyi ni filime iteye ubwoba icuruzwa na Sony/Screen Gems. Yasohotse tariki 24/05/2019. Muri iyi weekend yinjije $2,315,000 muri Amerika gusa, ku isi hose yinjije $24,712,552, kuyikora byatwaye miliyoni 6 z’amadolari, ubushize yari ku mwanya wa 5.

10. The Hustle

Yasohotse tariki 10/05/2019, muri iyi weekend yinjije $1,300,000 muri Amerika gusa. Icuruzwa na United Artists Releasing, ikaba mu bwoko bwa comedy gusa amafaranga yakoreshejwe mu kuyitunganya ntiyigeze atangazwa. Ku isi hose iyi filime yinjije $73,995,602, irimo abakinnyi nka Rebel Wilson na Anne Hathaway. Ubushize yari ku mwanya wa 8.