Inyarwanda art Studio
Kigali

UR-Nyarugenge: Chorale Iustitia igiye gukora igitaramo gikomeye "EASTER CONCERT" ku nshuro ya 2

Yanditswe na: Eric Misigaro
Taliki:23/05/2019 9:49
2

Chorale Iustitia ikorera umurimo w’Imana ibinyujije mu kuririmba yateguye igitaramo “Easter Concert” kizabera muri kaminuza y’u Rwanda-College y’ubumenyi n’ikoranabuhanga mu yahoze yitwa KIST.



Chorale Iustitia yatangiye gukorera umurimo w’Imana muri iyi kaminuza mu 2017 muri Communotte Catholique slSaint Paul yo muri iri shuri. Iustitia ni ijambo riri mu rurimi rw'ikiratini bivuze ubutabera mu kinyarwanda,  naho ubishyize mu cyongereza bisobanuye ‘’Justice”. Mu mwaka w'amashuri 2017-2018 ni bwo abanyeshuri bari bavuye mu ma College atandukanye bahurijwe muri College y'ubumenyi n’ikoranabuhanga baza kwihuza Chorale Iustitia ivuka uko.

Iyi korali ihamya ko iki gitaramo igiye gukora ari impamba ikomeye ku bazakitabira. Kugeza ubu imyiteguro yacyo igeze kure nk'uko umucuranzi wayo Hakizimana Eric Pisco yabihamirije Inyarwanda.com. Iki gitaramo kizabera mu nyubako ya Muhabura muri Salle izwi nka P001 kikazaba ku wa 25 Gicurasi 2019 saa munani z'amanywa (2pm). Iyi salle ni yo Kizito Mihigo aheruka gukoreramo igitaramo gikomeye ubwo yataramiraga muri kaminuza y' u Rwanda ishami rya Nyarugenge. Easter concert ni gitaramo kigiye kuba ku nshuro yacyo 2 ndetse iyi chorale irashaka ko kizaba igitaramo ngaruka mwaka.

Korali Iustitia ihamya ako ikiri kwiyubaka gusa ukurikije umuhate ifite n'igihe imaze, icyizere kirahari cyo gukora ibikorwa byera imbuto nziza. Umuyobozi wa chorale Iustitia Iradukunda Irene yatangarije Inyarwanda.com ko mu gitaramo cy'iyi chorale kwinjira ari Ubuntu. Umwihariko w'iki gitamo ni uko iyi chorale isanzwe ifite umwihariko mu kuba intyoza mu kuririmba injyana ya Classique. Irene akomeza avuga ko bazarimba indirimbo zihimbaza Uwiteka mu njyana ziryohera amatwi y'abakunzi b'umuziki ndetse bakahavana impamba y'ubugingo buhoraho. 

Irene uyobora iyi chorale arasaba abanyeshuri bo muri iyi kaminuza n'abatahiga kuzitabira bakifatanya na chorale Iustitia muri iki gitaramo. Chorale Iustitia izashyigikirwa na chorale Le Bon Berge-Kigali, Holly Queen Choir na chorale Pastor Bonus. Chorale Iustitia ikoresha imbuga nkoranyambaga: Facebook ni Chorale Iustitia-Cius, Instagram ni Chorale _Iustitia_Cius, Youtube channel yabo ni Chorale Iustitia.

Mu ntangiriro z'uku kwezi chorale Pastor Bonus nayo ikorera umurimo w’Imana muri iyi college y’ubumenyi n’ikoranabuhanga muri Communotte St. Paul, yahakoreye igitamo muri iyi nyubako cyanyuze benshi ku rwego rwo hejuru. 

Chorale Pastor Bonus mu gitaramo iheruka gukorera muri iyi kaminuza 

Abaririmbyi ba Chorale IUSTITIA







IBITECYEREZO

  • ITEZENEZA STEVEN 3 months ago
    He who sings well praise twice. Turabashyigikiye Kdi tuzabashyihikira mukomereze. Aho. Step forward
  • Twizeyimana Theophile 3 months ago
    Nkunze izina ryanyu pe. Mukomeze mwamamaze ubutabera bwa Nyagasani. Fiat Justitia


Bahaus

Inyarwanda BACKGROUND