Rimwe mu marushanwa akomeye ya muzika mu Burundi ni iritegurwa n'uruganda rwa BRARUDI ryitwa PRIMUSIC. Iri rushanwa rigiye kongera gutangira. Sat B na Big Fizzo ni bo bagizwe ba Brand Ambassador b'iri rushanwa.
Kuri ubu byamaze gutangazwa ko iri rushanwa rigiye gutangira kuri uyu wa 23 Gicurasi 2019 i Kayanza Province (mu Majyaruguru y'u Burundi). Iri rushanwa rizenguruka intara zose z'u Burundi hashakishwa abanyempano bahiga abandi mu buhanga bwa muzika. Biteganyijwe ko rizarangira muri Nyakanga 2019.
Iri rushanwa rizayoborwa n'abagize akanama nkemurampaka barimo;
Amir Pro, Kolly Da Magic na Christian Nsavye. Abatsinze babiri muri buri ntara n'abandi umunani bazatsinda i Bujumbura bazahurira mu irushanwa rimwe havanwemo 12 bazavamo 6 bazahatana ku munsi wa nyuma w'iri rushanwa uteganyijwe muri Nyakanga 2019.
Irushanwa rya PRIMUSIC ryamaze gutangizwa mu kiganiro n'abanyamakuru cyabaye kuri uyu wa Kane tariki 16 Gicurasi 2019
Uwa mbere kuri iyi nshuro mu irushanwa PRIMUSIC azahembwa Miliyoni 25 z'amarundi (25,000 ,000 BIF), uwa Kabiri ahembwe 5,000,000 BIF, uwa gatatu ahembwe 3,000,000 BIF uwa kane ahembwa 2,000,000 BIF mu gihe uwa gatanu azahembwa 1,500,000 BIF naho uwa gatandatu ahembwe 1,000,000 BIF.
Eng
RSS 
TANGA IGITECYEREZO