RFL
Kigali

Griezmann agiye kwerekeza muri FC Barcelona aguzwe miliyoni 108 z’Amayero

Yanditswe na: Editor
Taliki:15/05/2019 11:51
0


Rutahizamu w’Umufaransa Antoine Griezman yatangaje ko yafashe icyemezo cyo kuva muri Atletico Madrid nyuma y'uko FC Barcelona yifuza kumugura asaga miliyoni 108 z’amayero.



FC Barcelona yananiwe kugura uyu Rutahizamu mpuzamahanga umwaka ushije, ariko ngo yiteguye kumutangaho asaga miliyoni 108 muri Nyakanga uyu mwaka nk'uko iyi kipe ibitangaza.


Griezmann yatangaje ko yifuza kuva muri ino kipe, nyuma yo kuganiranwa n’umutoza mukuru wa Athletico Madrid, Diego Simeone ndetse n’umuyobozi wayo Miguel Angel Gil Marin.

Athletico Madrid yanditse ku rukuta rwayo rwa Twitter, ivuga ko Antoine Griezmann yamenyesheje ubuyobozi bw’iyi kipe, ko atazakomezanya n’ino kipe yari amazemo imyaka itanu. Griezmann yafashe umwanzuro wo kuva muri ino kipe, nyuma y'uko yabyifuje umwaka ushije, ngo ajye muri FC Barcelona, ariko bikaza kwanga. Ubu biravugwa ko yifuzwa na FC Barcelona.


Uyu mukinnyi mpuzamahanga w’Umufaransa ukinira Atletico Madrid, ahembwa miliyoni 20 z’amayero ku mwaka n’ikipe ya Atletico Madrid, aho bamwongera amasezerano umwaka ushije bavuze ko ikipe izamugura izatanga miliyoni 170 z’amayero. Kuri ubu Atletico Madrid ishobora kwemera kwakira miliyoni 108 z’amayero za FC Barcelona nyuma y’ibiganiro.


Barcelona yiteguye kugura uyu mukinnyi w’umufaransa, nyuma y'uko amaze gutsinda ibitego 19, akanatanga imipira ivamo ibitego (assists) 11 muri shampiyona y’igihugu ya Esipanye mu mwaka wa 2018-2019.

Paul Mugabe/ Inyarwanda.com






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND