RFL
Kigali

Ev Kagame Manzi yasohoye amashusho y’indirimbo ‘Abera turacunguwe’ anakomoza kuri ‘Manager’ we bari gukorana-VIDEO

Yanditswe na: Mupende Gedeon Ndayishimiye
Taliki:22/04/2019 19:49
1


Manzi Kagame Justin azwi nk’umuvugabutumwa ndetse akaba n'umunyamakuru kuri Sana Radio. Aherutse kwinjira mu muziki wa Gospel ndetse magingo aya yamaze gushyira hanze amashusho y’indirimbo ye ‘Abera Turacunguwe’ anakomoza kuri Manager we baherutse gusinyana amasezerano y’imikoranire.



Ev Manzi Kagame Justin yabwiye Inyarwanda.com impamvu yanditse indirimbo yise ‘Abera turacunguwe’. Yagize ati: “Iyi ndirimbo nyandika nashakaga kwibutsa abantu ko hirya y’iy'isi turimo hari indi mibereho ibindi biremwa bibayeho twe tutarimo ariko dusigarijwe kugira ngo mu gihe gikwiriye natwe tuzayibemo. Yakomeje avuga ibyo ateganya nyuma y’iyi ndirimbo. Ati: “Nyuma y’iyi ndirimbo akazi k'Ivugabutumwa karakomeje ku bufatanye na Sky label mu bikorwa bitandukanye nk’uko tuzakomeza kubitangariza abantu.”


Ev Kagame Manzi Justin asigaye afatanya ivugabutumwa n'ubuhanzi

Ku bijyanye n’intego afite mu muziki wo kuramya no guhimbaza Imana, Kagame Manzi yadutangarije ko ari ugutanga umusanzu we mu isezerano ry’agakiza Yesu yasigiye abo yacunguye. Yagize ati: “Ninjiye mu muziki ngamije gukora cyane kugira ngo ntange umusanzu wanjye mu isezerano ry'Agakiza twasigiwe na Kristo aho yagize ati nimugende mwamamaze inkuru nziza mu mahanga yose, mukoresha ingabire mwahawe.”

Kagame Manzi yadutangarije ko kuri ubu afite Manager uri gukurikirana ibijyanye n’umuziki we mu gihe cy'umwaka umwe. Ati: “Ni byo mfite Manager kuva ntangiye umuziki umwaka ushize, nagize amahirwe yo kubengukwa na SKY label nyuma yo kumva ibihangono byanjye bakabyishimira, baranyegera twumvikana uko tugiye gukorana. Twasinyanye amasezerano y'umwaka umwe. Mu masezerano hakubiyemo ibintu byinshi harimo nko kunkorera amashusho y'indirimbo.”

REBA HANO 'ABERA TURACUNGUWE' INDIRIMBO YA KAGAME MANZI







TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Luka4 years ago
    Indirimbo Nziza cyane. Amen abera tuzagerayo, courage Kagame





Inyarwanda BACKGROUND