Kigali

Imibare y'ibanga ibarirwa muri za miliyoni y'abakoresha Facebook yashyizwe ku karubanda

Yanditswe na: Yvonne Murekatete
Taliki:25/03/2019 16:28
0

Imibare y'ibanga (passwords) ibarirwa muri za miliyoni y'abakoresha urubuga nkoranyambaga rwa Facebook yagiye ku karubanda ibonwa n'abakozi ibihumbi 20 b'iyi kompanyi y'ikoranabuhanga yo muri Leta Zunze Ubumwe za Amerika.



Brian Krebs, umushakashatsi ku mutekano wo ku mbuga za interineti, ni we watangaje bwa mbere ayo makuru yo kunanirwa kurinda iyo mibare y'ibanga, bigatuma igera kuri miliyoni 600 igaragara yanditse mu buryo bosomeka neza kuva mu mwaka wa 2012.

Icyakora kompanyi ya Facebook ntihakana iki kibazo ahubwo ivuga ko yagikosoye. Ubuyobozi bwa Facebook buvuga ko bwari bwaratahuye icyo kibazo mu kwezi kwa mbere k'uyu mwaka, mu igenzura ry'umutekano busanzwe bukora. Mu itangazo ubuyobozi bwa Facebook bwashyize hanze Facebook igira iti “Ni ikibazo gito cyari cyavutse gituma imibare y'ibanga ibikwa ku mashini isanzwe ikoresha mu kazi kayo gasanzwe ko mu biro byayo”

Aya makuru aje mu gihe Facebook imaze igihe ihatwa ibibazo ku kuntu irinda amakuru y'abayikoresha. Mu kwezi kwa cyenda mu mwaka ushize wa 2018, Facebook yatangaje ko amakuru y'abayikoresha bagera kuri miliyoni 50 yagiye ku karubanda kubera ikibazo cy'umutekano yagize.

Mbere yaho muri uwo mwaka wa 2018, yahishuye ko amakuru y'abayikoresha babarirwa muri za miliyoni yageze mu maboko ya kompanyi Cambridge Analytica yakoraga ubushakashatsi ku makuru yo kuri interineti.

Src: BBC








Bahaus

Inyarwanda BACKGROUND