Inyarwanda art Studio
Kigali

Boeing yahagaritse indege zose zo mu bwoko bwa 737 Max ku isi hose

Yanditswe na: UDAHOGORA Vanessa Peace
Taliki:14/03/2019 13:06
0

Ku munsi wo ku cyumweru tariki 10/03/2019 nibwo imkuru y’incamugongo yasakaye ko indege yo mu bwoko bwa Boeing 737 Max 8 yakoze impanuka mu gihugu cya Ethopia. Iyi ndege yari yaraguzwe na Ethiopian Airlines muri Nyakanga 2018. Nyuma yayo, Boeing yakomeje gukemangwa, kuri ubu ikaba yahagaritse izi ndege zose.



Kuva iyi ndege ya Ethiopian Airlines yakora impanuka, agaciro ka Boeing kagabanutseho miliyari hafi 26 z’amadolari. Federal Aviation Administration ishinzwe iby’ingendo zo mu kirere muri Amerika yagaragaje ko iyi ndege ya Ehiopian Airlines iherutse gukora impanuka ifite ibyo huriyeho n’indi yaguye muri Indonesia ya Lion Air.

Nyuma y’uko indege zo muri ubu bwoko bwa Boeing 737 Max 8 zihagaritswe muri Ethiopia, Ubushinwa nabwo bwahise bukurikira, bidatinze Ubwongereza, Ubuhinde, Canada na Australia bose bahise bazihagarika. Nyuma yabo hakurikiyeho Brazil ndetse na leta Zunze Ubumwe za Amerika. FAA yahise yohereza inzobere aho iyi ndege ya Ethiopian Airlines yaguye, bahabona ibimenyetso bigaragaza ko yo n’iya Lion Air yaguye mu mezi 5 ashize zishobora kuba zaraguye mu buryo bumwe. Aha niho havuye umwanzuro wo kuba izi ndege zose zihagaritswe hakabanza hagakora ubushashatsi bwimbitse.

Boeing

Ahabereye impanuka ya Ethiopian Airlines ku cyumweru

Boeing yo iracyakomeye ku mvuyo yayo, bahamya ko indege zabo nta bibazo zifite zituruka mu buryo zikozwe. Ngo iyi ndege umutekano wayo urizewe gusa bemeye uyu mwanzuro w’uko indege 371 bari bafite ku makompanyi y’indege hirya no hino ku isi ziba zihagaritswe mu ngendo hakabanza kubaho ubushakashatsi. Bemeye kandi ubufatanyabikorwa mu bikorwa byo gukora iperereza ku cyateye izi mpanuka mu buryo bwo kwirinda ko byazongera kubaho.

Kugeza ubu ihagarikwa ry’izi ndege riri kugira ingaruka ku ngendo z’indege ku isi muri rusange, dore ko nyinshi muri kompanyi zisanzwe zifite izi ndege zikorershwa mu ngendo zitandukanye.








Bahaus

Inyarwanda BACKGROUND