iTel
Kigali

Nyuma yo gutandukana n’umusore bakundanaga, Demi Lovato yiyoherereje indabo zo kwirema agatima

Yanditswe na: UDAHOGORA Vanessa Peace
Taliki:9/03/2019 21:37
0

Demetria Devonne Lovato ni umwe mu bahanzi bafite abafana benshi ku isi, uretse kuba umuhanzi ni n’umukinnyi wa filime. Hashize iminsi micye atandukanye n’umusore bakundanaga witwa Henri Levy. Mu kwirema agatima, uyu muhanzi yiyoherereje indabyo ziherekejwe n’amagambo meza.



Demi Lovato yatangiye kumenyekana cyane akiri umwana muri filime nka Camp Rock n’izindi, nyuma aza gukomereza mu kuririmba. Indirimbo ze twavuga ni nka ‘Heart Attack’, ‘Skyscraper’, ‘Neonlights’, ‘Echame La Culpa’ n’izindi. Kuri ubu amaze iminsi itageze ku cyumweru atandukanye n’umusore bakundanaga ukora akazi ko guhanga imideli (designer) witwa Henri Levy.

Uyu muhanzi kandi yari amaze iminsi mu bibazo by’ubuzima, arwana n’ibiyobyabwenge byashakaga kongera kumwigarurira kandi yari yarabyigobotoye. Mu butumwa yanyujije kuri Instagram, Lovato yabwiye abamukurikira ko yiyoherereje indabo. Izi ndabo zari ziherekejwe n’amagambo agira ati “Uri mwiza, urakunzwe kandi ukwiriye ubuzima bw’ibyishimo kandi bwiza”.

Demi Lovato w’imyaka 26 ni umwe mu bahanzi bakiri bato bakunzwe, umusore bakundanye igihe kinini bikamenyekana ni uwitwa Wilmer Valderrama batandukanye bamaranye imyaka 5, kuva icyo gihe kugeza ubu Demi Lovato ntiyongeye kugira umusore bakundana ngo birambe.








Inyarwanda BACKGROUND

Copyright © 2008-2019 Inyarwanda Ltd
RSS