RFL
Kigali

Kylie Jenner yabaye umuherwe wa mbere muto ku isi ahigitse Mark Zuckerberg washinze Facebook

Yanditswe na: Janvier Iyamuremye
Taliki:6/03/2019 11:18
0


Umukobwa witwa Kylie Jenner w’imyaka 21 y’amavuko yabaye umuherwe wa mbere muto ku isi mu batunze miliyari z’amadorali asimbura umutunzi Mark Zuckerberg washinze urubuga nkoranyambaga rwa Facebook dore ko we wagiye kuri uyu mwanya ubwo yari afite imyaka 23 y'amavuko.



Kylie Jenner avuga ko mu muryango wa Kim Kardashian, Khloe na Kourtney Kardashian. Urubuga rwa Forbes rusanzwe rukora intonde z’abakire mu ngeri zitandukanye, kuri uyu wa kabiri tariki 05 Werurwe 2019 rwasohoye urutonde rw’abakiri bato bigejeje kuri miliyari y'amadorali rukorwa hagendewe ku myaka yabo. Uru rutonde ruyobowe na Kylie bucura mu muryango wa Kim Kardashian.


Jenner Kylie yanditse amateka yinjira mu baherwe ku isi bakiri bato

Jenner Kylie yabonetse ku ntonde ebyeri; urutonde rw’abaherwe bakiri bato batunze miliyari z’amadorali, ndetse n'urutonde rw’abaherwe bigejeje kuri miliyari z’amadorali aho yaje ku mwanya wa mbere witewe n'uko ari we ufite imyaka micye uri kuri uru rutonde.

Forbes yavuze ko Kylie Jenner ayoboye uru rutonde abikesha amaduka acuruza ibirungo by’ubwiza bya Jenner’s Kylie. Iri duka yarishinze mu myaka itatu. Uyu mukobwa ngo yinjije agera kuri miliyari y’amadorali uteranyije inyungu yakuye muri ubu bucuruzi.

Mark washinze Facebook yari amaze imyaka 11 ayoboye uru rutonde.

Zuckerberg washinze urubuga rwa Facebook yayoboye urutonde rw’abaherwe ku isi bakiri bato ubwo yari afite imyaka 23 y’amavuko, yari amaze imyaka 11 ayoboye uru rutonde. Kylie Jenner yabwiye Forbers ko ubukire yagezeho ari indi ntambwe yo gukomeza gukora.

Benshi batunguwe n’uburyo uyu mukobwa yabashije gukora akagera kuri miliyari y’amadorali, ibyo Forbes ivuga ko yigejejeho. Gusa ngo ubukire n’ubwamamare agezeho yabifashijwemo na nyina, Kris Jenner.

Forbes yavuze ko kuba atari umurage yahawe, bivuze ko umutungo afite ari uwo yigejejeho. Travis Scott yavuze ko Kylie Jenner ibyo avuga atari byo ari ‘ibihuha’. Tyga wahoze akundana na Kylie Jenner yamushimye amwifuriza gukomeza gutera imbere.

Umukire wa mbere ku Isi Jeff Bezos washinze kompanyi Amazon, umutungo we ni miliyari 131 z'amadorali, uvuye kuri miliyari $121 yari afite muri 2018. Bill Gates ari ku mwanya wa kabiri afite miliyari 96.5 z'amadorali avuye kuri miliyari $90 yari afite umwaka ushize.

URUTONDE RW'ABAHERWE KU ISI BAKIRI BATO (HAGENDEWE KU MYAKA YABO N'UBUTUNZI BWABO)

1. Kylie Jenner w'imyaka 21 y'amavuko atunze Miliyari imwe y'amadorali ($1billion (self-made))
2. Alexandra Andresen w'imyaka 22 y'amavuko atunze miliyari imwe na miliyoni 400 z'amadorali ($1.4billion)
3. Katharine Andresen w'imyaka 23 y'amavuko atunze miliyari imwe na miliyoni 400 z'amadorali ($1.4billion)
4. Gustav Magnar Witzoe w'imyaka 24 atunze miliyari eshatu z'amadorali ($3billion)
5. John Collison w'imyaka 28 atunze miliyari ebyiri na miliyoni 100 z'amadorali ($2.1billion (self-made))
6. Evan Spiegel w'imyaka 28 atunze miliyari ebyiri na miliyoni 100 z'amadorali ($2.1billion (self-made))
7. Ludwig Theodor Braun w'imyaka 29 atunze miliyari imwe y'amadorali ($1billion)
8. Anna Kasprazak w'imyaka 29 atunze miliyari imwe y'amadorali ($1billion)

Kylie Jenner ayoboye urutonde rw'abaherwe ku Isi bakiri bato.






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND