MUSANZE: Guverineri w’intara y’Amajyarugu na Ambasaderi wa Amerika mu Rwanda bitabiriye igitaramo cya ‘Tour du Rwanda ‘–AMAFOTO

Iki gitaramo cyabereye muri Stade Ubworoherane hari hatumiwe abahanzi banyuranye kandi bakomeye barimo Sintex, Marina, Igor Mabano, Social Mula, Dream Boys, Riderman na Butera Knowless. Buri muhanzi yashimishije abakunzi ba muzika ye bari bitabiriye iki gitaramo. Ni igitaramo cyari cyateguwe mu rwego rwo gususurutsa abitabiriye ‘Tour du Rwanda’ ariko nanone banipimisha indwara zinyuranye mu rwego rwo gusigasira ubuzima bwabo.

Iki gitaramo kitabiriwe n'abantu batari bake cyanagaragayemo Ambasaderi wa Amerika mu Rwanda kimwe na Guverineri w’intara y’Amajyaruguru Hon Gatabazi JMV aho bifatanyije n'abatuye iyi ntara kuryoherwa n’iki gitaramo yewe banafatana ifoto y’urwibutso n'aba bahanzi bari bitabiriye iki gitaramo nyuma y’inama zinyuranye babagiriye.

Nyuma y’iki gitaramo cyabereye mu mujyi wa Musanze harakurikiraho igitaramo kibera mu mujyi wa Kigali kuri uyu wa Gatandatu tariki 2 Gashyantare 2019 kikazabera muri Car Free zone aho kwinjira biba ari ubuntu ndetse abantu bakipimisha indwara zinyuranye ku buntu.

Mc Phil Peter umwe mu bari bayoboye iki gitaramo

Mc Kate Gustave nawe yari ayoboye iki gitaramo

Ambasaderi wa Amerika mu Rwanda yagejeje ijambo ku baturage bitabiriye iki gitaramo

Abahanzi babanje gufatana ifoto na Ambasaderi wa America mu Rwanda wari uri kumwe na Guverineri w'intara y'Amajyaruguru

Dj Bossoso ni we wavangaga imiziki muri iki gitaramo

Sintex ni we wabanje ku rubyiniro...agaragaza ko ari umwe mu bahanzi bari kuzamuka neza

Igor Mabano yishimiwe cyane muri iki gitaramo

Marina yataramiye abari bitabiriye iki gitaramo...

Social Mula yashimishije abitabiriye iki gitaramo

Dream Boys bari bitwaje ababyinnyi bashimishije bikomeye abitabiriye iki gitaramo...

Riderman yasanze ku rubyiniro Dream Boys baririmbana indirimbo baherutse gukorana

Nk'ibisanzwe i Musanze Riderman ahafite abakunzi batari bake

Butera Knowless ageze ku rubyiniro ibintu byahindutse...