iTel
Kigali

Slaï yahishuye ko atari ubwa mbere ageze i Kigali, ateguza uburyohe muri Jazz Junction-AMAFOTO

Yanditswe na: Janvier Iyamuremye
Taliki:19/02/2019 21:18
0

Umufaransa w’umuririmbyi Slai yasesekaye i Kigali mu ijoro ry’uyu wa kabiri tariki 19 Gashyantare 2019 aho yitabiriye igitaramo cyiswe “Kigali Jazz Junction”.



Ku isaha ya saa mbili n’igice (20h:30’) ni bwo Slai yasohotse mu kibuga cy’indege mpuzamahanga cya Kigali ahabwa indabo n’abatoranyijwe na RG-Consult inc ari nayo yateguye iki gitaramo.


Ubwo yari ageze i Kanombe ku kibuga cy’indege 

Mu kiganiro cyihariye na INYARWANDA, Slai yavuze ko atari ubwa mbere ageze i Kigali, yongeraho ko anafite inshuti nyinshi z’abanyarwanda. Ati “Nishimiye kugera i Kigali mu Rwanda. Ndumva hashize imyaka umunani ngeze hano, ubu ndagarutse nje mu gitaramo cya Kigali Jazz Junction. Mfite inshuti nyinshi z’abanyarwanda tuziranyi.”


Yateguje ibidasanzwe mu gitaramo ategerejwemo tariki 22 Gashyantare 2019. Ati “Niteguye kuririmbira abanyarwanda n’abandi indirimbo zanjye. Bazaze twishimiye mu ndirimbo z’urukundo, nzaririmba “Flamme” yakunzwe cyane n’izindi nyinshi. Ndizera abanyarwanda n’abandi bazishimira igitaramo cy’umwimerere.”

Mu gitondo cy’uyu wa Gatatu tariki 20 Gashyantare 2019, Slai aragirana ikiganiro n’itangazamakuru. Igitaramo Kigali Jazz Junction yatumiwemo azahuriramo n’abanyarwanda Yverry ndetse n’itsinda rya Neptunez Band. Umushyushyarugamba (MC) muri iki gitaramo ni umunyarwenya Michael Sengazi.






Umwanditsi

Janvier Iyamuremye

-

Sura Umwanditsi Nyandikira



Inyarwanda BACKGROUND

Copyright © 2008-2019 Inyarwanda Ltd
RSS