Inyarwanda art Studio
Kigali

BOX OFFICE: Ubugira gatatu, Glass ikomeje kuba iya mbere muri filime ziri gucuruzwa cyane ku isi

Yanditswe na: UDAHOGORA Vanessa Peace
Taliki:4/02/2019 17:34
0

Iyi ni inshuro ya gatatu Glass iyobora filime zikunzwe cyane kurusha izindi ku isi, muri iyi weekend yinjije $9,535,000 muri Amerika gusa, ku isi hose. Iri mu bwoko bwa Thriller, irimo abakinnyi batandukanye bakomeye kandi bakunzwe nka Bruce Willis, James McAvoy, Samuel L.Jackson.



1. Glass

Ubushize niyo yacurujwe cyane kurusha izindi, kugeza ubu ikomeje kwiharira uyu mwanya wa mbere. Iyi filime muri iyi weekend yinjije $9,535,000, yasohotse tariki 18/01/2019, ikaba ku isi hose imaze kwinjiza $198,955,100. Gukora iyi filime byatwaye miliyoni 20 z’amadolari. Iyi filime icuruzwa na Universal.

2. The Upside

boxoffice

Tariki 11/01/2019 nibwo iyi filime yageze hanze, icuruzwa na STX Entertainment, irimo abakinnyi nka Nicole Kidman, Kevin Hart na Bryan Cranston. Iri mu bwoko bwa comedy, muri iyi weekend yinjije $8,850,000. Ku isi hose iyi filime imaze kwinjiza $81,690,128. Kuyikora byatwaye miliyoni 37.5 z’amadolari. Ubushize iyi filime yari ku mwanya wa 2 n’ubundi.

3. Miss Bala

boxoffice

Ni filime nshya kuri uru rutonde, dore ko yasohotse tariki 01/02/2019. Muri iyi weekend yinjije $6,700,000 muri Amerika, akaba ari nayo mafaranga yonyine imaze kwinjiza. Iri mu bwoko bwa Action/Thriller, icuruzwa na Sony/Columbia.

4. Aquaman

boxoffice

Muri iyi weekend Aquaman yinjije $4,785,000, yasohotse tariki 21/12/2018, icuruzwa na Warner Bros. Ku isi hose iyi filime imaze kwinjiza $1,106,972,240, kuyikora ayo byatwaye ntiyatangajwe. Ubushize yari ku mwanya wa 3.

5. Spider-Man: Into The Spider-Verse

boxoffice

Ni filime icuruzwa na Sony/Columbia, muri iyi weekend yinjije $4,410,000, yasohotse tariki 14/12/2018. Kuva isohotse kugeza uyu munsi, imaze kwinjiza $347,286,069, ikaba yaratwaye miliyoni 90 z’amadolari mu ikorwa ryayo. Ubushize yari ku mwanya wa 5.

6. Green Book

boxoffice

Iyi filime yacurujwemo $4,317,000 muri iyi weekend. Iri mu bwoko bwa comedy/drama, icuruzwa na Universal, yasohotse tariki 16/11/2018. Kuyikora byatwaye miliyoni 23 z’amadolari, kugeza ubu imaze kwinjiza $81,344,331. Ubushize n’ubundi yari ku mwanya wa 6.

7. The Kid Who Would be King

boxoffice

Ni filime iri mu bwoko bwa Fantasy, yasohotse ku itariki 25/01/2019 ikaba icuruzwa na Fox. Amafaranga byatwaye ngo iyi filime itunganywe ntiyigeze atangazwa, muri iyi weekend yinjije $4,200,000, kuva yasohoka kugeza  ubu imaze kwinjiza $16,738,498.

8. A Dog’s Way Home

boxoffice

Ni filime icuruzwa na Sony/Columbia, iri mu bwoko bwa Family Adventure, muri iyi weekend yinjije $3,510,000. Yasohotse tariki 11/01/2019, kuyikora byatwaye miliyoni 18 z’amadolari, kugeza ubu imaze kwinjiza $50,902,871 ku isi hose. Ubushize yari ku mwanya wa 7.

9. Escape Room

boxoffice

Yinjije $2,900,000 muri iyi weekend, icuruzwa na Sony/Columbia, ubushize niyo yari ku mwanya wa 9 n’ubundi. Iri mu bwoko bwa filime ziteye ubwoba, kuva yasohoka imaze kwinjiza $96,089,300, kuyikora byatwaye miliyoni 9 z’amadolari. Yasohotse ku itariki 04/01/2019.

10. They Shall Not Grow Old

boxoffice

Iyi filime yasohotse tariki 17/12/2018, icuruzwa na Warner Bros, akaba ari filime mbarankuru. Icuruzwa muri Amerika gusa, muri iyi weekend yinjije $2,405,000, kuva yasohoka kugeza ubu imaze kwinjiza $10,745,072.








Bahaus

Inyarwanda BACKGROUND