Ikipe ya APR FC yakomeje kuba nyiri umwanya wa mbere nyuma yo gutsinda Police FC ibitego 2-0 mu mukino w’umunsi wa 15 wa shampiyona waberaga kuri sitade ya Kigali kuri iki Cyumweru.
Hakizimana Muhadjili yafunguye amazamu ku munota wa mbere (1’) mbere y'uko Sugira Ernest yungamo igitego cya kabiri ku munota wa 79’ biturutse ku mupira yahawe na Ombolenga Fitina.
Hakizimana Muhadjili yatsinze igitego cya mbere hakiri kare
Abafana ba APR FC bagaragaje ko bari inyuma ya Hakizimana Muhadjili
Ikipe ya APR FC kuri ubu mu mikino 14 imaze kugwiza amanota 35 mu gihe igifite ikirarane cy’umukino umwe igomba kuzasuramo Sunrise FC kuwa 23 Mutarama 2019 i Nyagatare.
Ikipe ya Police FC nyuma yo kwinjizwa ibitego 2-0, iri ku mwanya wa gatandatu (6) n’amanota 21 mu mikino 14 nabo bamaze gukina kuko bagomba guhura na Mukura VS mu mukino w’ikirarane kuwa 24 Mutarama 2019 ku kibuga cya Kicukiro.
Ni umukino wa kane Police FC yujuje itabona amanota atatu (3) dore ko iheruka kunganya na AS Kigali ibitego 2-2 mu gihe APR FC yari yatsinze Espoir FC igitego 1-0 i Rusizi.
Nizeyimana MIrafa yahuraga n'ikipe yahozemo
Ni umukino Albert Mphande yasabwaga gutsinda kugira ngo yigabanyeho igitutu ariko bitewe n’abakinnyi afite imbere ya APR FC ntabwo byamuhiriye kuko umukino ugitangira bahise binjizwa igitego kihuse.
Hakizimana Muhadjili yari muri uyu mukino ubona ko ashaka kwibagiza abafana amakuru amaze iminsi ko yaba yaribye telefone y’umukobwa utazwi. Ibi abafana bamweretse ko ntacyo byabatwaye kuko baje bitwaje ibyapa bimushyigikira mu kazi abakorera.
Songa Isaie wanahawe ikarita y’umuhondo yaje gusimburwa na Bahame Alafat, Peter Otema asimburwa na Jean Paul Uwimbabazi nawe waje gusimburwa na Hakizimana Kevin.
Ku ruhande rwa APR FC, Nizeyimana Mirafa yasimbuye Nshimiyimana Amran, Sugira Ernest asimburwa na Nsengiyumva Moustapha.
Mu yindi mikino yabaye kuri iki Cyumweru, Sunrise FC yatsinze Etincelles FC igitego 1-0 mu gihe Bugesera FC yanganyije na Kirehe FC igitego 1-1.
Nduwayo Danny Barthez apanga neza abakinnyi
Nshuti Dominique Savio (27) aca kwa Manzi Huberto
APR FC bishimira igitego
PHOTOS: Saddam MIHIGOO (Inyarwanda.com)
Eng
RSS 
TANGA IGITECYEREZO