Mu mezi atatu Apple yahombye arusha agaciro umutungo wose w'isosiyete ya Facebook

Kuva taliki ya 3 mu kwezi kwa 10 umugabane w'uruganda rwa Apple wageze ku madolari 232.07 bituma rugera ku mari shingiro ya tiriyali 1 na miliyari 16. Kuri ubu imari shingiro ya Apple yahombyeho agera kuri miliyari 450 z'amadolari y'Amerika, imari shingiro yayo igera kuri miliyari 142 na miliyoni 12 z'amadolari y'Amerika nyuma y'amezi 3 gusa.

Iki gihombo cya miliyari 450 z'amadolari y'Amerika kiruta agaciro k'umutungo wose w'isosiyete y'itumanaho ya Marc Zukerberg ariyo Facebook nayo itarohewe ariko n'igihombo mu mwaka ushize wa 2018. Kuri ubu umutungo wose wa Facebook ungana na miliyari 383 na miliyoni 76 z'amadolari y'Amerika. Uku guhomba k'uruganda rwa Apple kwatumye kandi Apple itakaza umwanya wa 3 mu makompanyi afite agaciro kurusha andi kuri iyi si ya rurema.

N'ubwo uru ruganda ntacyo rutatangaza nk'impamvu y'iki gihombo, umuyobozi mukuru wa Apple, Tim Cook, aherutse gutangaza ko abashoramari bakwiye kwitega inyungu nke nyuma y’ibiruhuko, ahanini kubera ko umubare w’abagura iPhone mu Bushinwa ukomeje kugabanuka.

Telefone nshya uru ruganda rwa Apple ruherutse gushyira ku isoko ni iPhone XS na iPhone XS Max igura asaga miliyoni n’ibihumbi 200 Frw.

Src: Business insider