MTN
Kigali

Munezero Lisa Adeline witabiriye Miss Rwanda 2019 ari umubyinnyi mu itorero ry'umujyi wa Kigali yatuganirije ku gitabo arangije kwandika -VIDEO

Yanditswe na: Emmy Nsengiyumva
Taliki:19/12/2018 18:38
2

Mu minsi ishize nibwo irushanwa rya Miss Rwanda 2019 ryatangijwe ku mugaragaro, iri rikaba ryaratangijwe hatoranywa abakobwa bazahagararira intara y'Amajyaruguru ndetse n'Uburengerazuba. Aha hakaba arinaho hagaragaye umwe mu bakobwa batorewe kuzahagararira intara y'Amajyaruguru Munezero Lisa Adeline umunyempano zitandukanye.



Uyu mukobwa u bwo yibwiraga abagize akanama nkemurampaka yatangaje ko afite impano zinyuranye zirimo kubyina kinyarwanda, kwandika ibitabo yewe no gutegurira abantu imbwirwaruhame zinyuranye. Uyu munyempano aganira na Inyarwanda twifuzaga kumubaza ku gitabo cye cya mbere ari kurangiza kwandika, icyakora anaduhishurira ko ari umubyinnyi w'imbyino gakondo uyu akaba abyina mu itorero ry'umujyi wa Kigali "Indatirwabahizi". ndetse akaba n'umunyempano mu gutegurira abayobozi banyuranye imbwirwaruhame.

Miss Rwanda

Munezero Lisa Adeline uyu yatsindiye guhagararira intara y'Amajyaruguru mu irushanwa rya Miss Rwanda 2019

Munezero Lisa Adeline umwe mu bakobwa batanu bahawe amahirwe yo guhagararira Intara y'Amajyaruguru muri Miss Rwanda 2019 yabwiye umunyamakuru ko impamvu yahisemo kujya kwiyamamariza mu ntara y'Amajyaruguru ari uko ari ahantu ashaka kuzandikaho igitabo kandi hahora hamuteye amatsiko.

Miss Rwanda

Uyu mukobwa kuri ubu arangije kwandika igitabo yise 'Umwana nyawe'

Uyu mukobwa agaruka ku gitabo cy'amapaji mirongo itanu (50) amaze kwandika yabwiye umunyamakuru ko gisigaje iminsi mike ngo kirangire dore ko kucyandika no kugicapa byarangiye igisagaye ari ukugishakira ibyangombwa ubundi akagishyira hanze. iki gitabo cya Munezero Lisa Adeline yabwiye Inyarwanda.com ko yakise 'Umwana nyamwana' iki kizaba gikubiyemo ubutumwa ku bana ko bakwiye kwiga amateka y'igihugu cyabo ntibayaharire abantu bakuru gusa.Aha asobanura umwana nyamwana yanditse akaba yagize ati" Umwana nyamwana ni umwana w'umunyarwanda wese, ni umwana ufata amateka y'igihugu cye nk'inshingano ze, ni umwana wese ufite indangagaciro z'umunyarwanda ufite icyerekezo uzi kwifatira umwanzuro."

REBA HANO IKIGANIRO TWAGIRANYENA MUNEZERO LISA ADELINE WIYAMAMARIZA KWEGUKANA IKAMBA RYA MISS RWANDA 2019AKABA UMUNYEMPANO ZINYURANYE ZIRIMO NO KWANDIKA IBITABO








IBITECYEREZO

  • lyn1 year ago
    I wish it was in english
  • Nitwa Nyabyenda Protogene 1 year ago
    Umwari w'urwanda Munezero Adeline Ukwiye ikamba Ryanyampinga w'urwanda pe!!! Ndakwifuriza kuzabigeraho Urabikwiye.


Inyarwanda Art studio
Inyarwanda BACKGROUND