RFL
Kigali

19 ba APR FC batarimo Buteera Andrew na Imanishimwe Emmanuel bakomeje umwiherero bitegura Rayon Sports

Yanditswe na: Mihigo Saddam
Taliki:11/12/2018 9:54
1


Kuri uyu wa Gatatu tariki 12 Ukuboza 2018, ikipe ya APR FC iracakirana na Rayon Sports mu mukino w’umunsi wa munani (8) wa shampiyona ugomba kubera kuri sitade Amahoro i Remera (18h00’). APR FC ifite abakinnyi 19 iri gutegura kuzakira mucyeba muri uyu mukino uba wifuzwa na buri umwe.



Ikipe ya APR FC ifite igikombe cya shampiyona izakira uyu mukino idafite Buteera Andrew ukina hagati mu kibuga nyuma yo kuba yaragiriye ikibazo cy’imvune muri Tunisia ubwo bakinaga na Club Africain mu mukino wo kwishyura w’ijonjora rya mbere rya Total CAF Champions League.

Buteera Andrew ukina hagati muri APR FC ntabwo azahura na Rayon Sports

Buteera Andrew ukina hagati muri APR FC ntabwo azahura na Rayon Sports

Undi mukinnyi usanzwe ubanza mu kibuga ariko akaba atazaboneka muri uyu mukino ni Imanishimwe Emmanuel ukina inyuma ahagana ibumoso. Uyu mugabo nta kindi kibazo afite uretse kuba ari mu kwezi kwa buki kuko kuwa Gatandatu tariki 8 Ukuboza 2018 yatangiye urugendo rwo kubana akaramata na Claudine Uwase.

Image result for Imanishimwe Emmanuel  Inyarwanda

Imanishimwe Emmanuel ntabwo azahura na Rayon Sports yabanje kunyuramo mbere yo kuza muri APR FC

Kuba Imanishimwe Emmanuel adahari, Jimmy Mulisa yahisemo kugarura Ngabonziza Albert urambye kuri uyu mwanya ndetse akazaba ahura na Rayon Sports yanyuzemo mbere yo kugana muri APR FC.

Ngabonziza Albert umwe mu bakinnyi bafite ubunanaribonye muri APR FC yaje gusimburwa na Rukundo Denis

Ngabonziza Albert umwe mu bakinnyi bafite ubunanaribonye muri APR FC

Sugira Ernest ni undi mukinnyi umaze kwibagirana mu kuba yakwitabazwa mu mikino APR FC iri gukina muri uyu mwaka w’imikino bitewe n’ikibazo afite mu kibero uhereye ubwo biteguraga imikino ya Total CAF Champions League 2018-2019.

Ku ruhande rwa Rayon Sports nabo ntabwo bafite abakinnyi bose uko basanzwe babitabaza kuko Muhire Kevin ntabwo ari kubarizwa mu Rwanda kuko yagiye mu igeragezwa mu Misiri. Mugheni Kakule Fabrice nawe uheruka kugirira ikibazo mu mukino Rayon Sports yakinnyemo na AS Kigali, ntabwo umuntu yakwizera ko uyu mukino azaba yagarutse ijana ku ijana. Undi mukinnyi utiteguye ni Mugisha Francois Master uheruka gutsinda APR FC igitego ku mukino wa nyuma w'Agaciro Development Fund 2018.

Abakinnyi 19 ba APR FC bari mu mwiherero bitegura gucakirana na Rayon Sports:

1.Kimenyi Yves (GK,21)

2.Ntaribi Steven (GK,30)

3.OmbolengaFitina 25

4.Ngabonziza Albert 3

5.Rusheshangoga Michel 22

6.Rugwiro Herve 4

7. Buregeya Prince Caldo 18

8.Mugiraneza Jean Baptiste (C,7)

9.Amran Nshimiyimana 5

10.Mirafa Nizeyimana 6

11.Evode Ntwari 13

12.Blaise Itangishaka 8

13.Maxime Sekamana 17

14.Nshuti Dominique Savio 27

15.Issa Bigirimana 26

16.Iranzi Jean Claude 12

17.Lague Byiringiro 14

18.Muhadjili Hakizimana 10

19.Mugunga Yves 19

Buregeya Prince Caldo (Ibumoso) na NKizingabo Fiston (Iburyo) utari mu bakinnyi 19

Buregeya Prince Caldo (Ibumoso) na NKizingabo Fiston (Iburyo) utari mu bakinnyi 19

Kuva Mugiraneza Jean Baptiste Miggy yagaruka muri APR FC ntabwo baratsindwa na Rayon Sports muri shampiyona

Kuva Mugiraneza Jean Baptiste Miggy yagaruka muri APR FC ntabwo baratsindwa na Rayon Sports muri shampiyona

Hakizimana Muhadjili umukinnyi w'umwaka w'imikino 2017-2018 unakunda gushobora Rayon Sports

Hakizimana Muhadjili umukinnyi w'umwaka w'imikino 2017-2018 unakunda gushobora Rayon Sports

PHOTOS: Saddam MIHIGO (Inyarwanda.com)






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Tumwine5 years ago
    While waiting for a true coach, well respected for his integrity, competence, capabilities to ensure a collective commitment and forthright practices ; what would it cost to the temporary patcher coach, who is just doing the mending in Apr Fc now, to stop petty partisans games, multifarious harassments, players like Lague, Issa Bigirimana and some others have been exposed to by that so called coach !





Inyarwanda BACKGROUND