RFL
Kigali

'Brown Skin Girl' ya Beyonce na Wizkid yatsindiye igihembo cy'indirimbo nziza y'amashusho mu 2020

Yanditswe na: Nadia Kangabe
Taliki:30/11/2020 18:00
1


Indirimbo yitwa 'Brown Skin Girl' ya Beyonce yafatanije na Wizkid ni yo yatsindiye igihembo cy’amashusho meza y’umwaka mu bihembo bikomeye bizwi nka Soul Train Awards.



Iyi ndirimbo yahuje umuhanzikazi Beyonce hamwe n’umukobwa w’imfura ye Blue Ivy Carter ndetse n’umuhanzi Wizkid ukomoka mu gihugu cya Nigeria ni yo bise Brown Skin Girl yasohotse mu mpera z’umwaka wa 2019.

Mu bihembo ngaruka mwaka bitangwa na televiziyo mpuzamahanga yitwa BET (Black Enterntainment Television) ikorera muri Amerika bikaba byitwa Soul Train Awards, ibi bihembo bikaba bizwiho guhuriramo n’abahanzi bafite amazina akomeye mu muziki ku rwego rw’isi.

Uyu mwaka muri ibi bihembo hakaba harimo ibyiciro bitandukanye birimo icyo abahanzi bahataniramo cy'uwagize amashusho meza y’indirimbo. Muri iki cyiciro harimo abahanzi bakomeye nka Chris Brown, Lizzo, Young Thung hamwe na H.E.R gusa abo bose Beyonce na Wizkid babarushije baba aribo batsindira icyi gihembo.

Iyi ndirimbo Brown Skin Girl yatsindiye igihembo cy’amashusho meza y’umwaka ikaba yarasohoye amashusho yayo mu kwezi kwa karindwi uyu mwaka.ikaba yarasohotse kandi kuri Album ya Beyonce yise The Lion King byumwihariko yanagaragaye muri filme Beyonce yasohoye yitwa Black Is King.

Beyonce ari kumwe n'umukobwa we Blue Ivy Carter mu mashusho y'indirimbo yabo Brown Skin Girl

Mu kuba iyi ndirimbo yarakunzwe cyane igisohoka byatewe n'uko irimo umwana wa Beyonce witwa Blue Ivy Carter ari kuririmba bikaba byaratunguye abatari bacye. Kuba na Wizkid yarayiririmbyemo nabyo bikaba byarongereye abakunzi b'iyi ndirimbo by'umwihariko abakomoka ku mugabane wa Afrika.

Brown Skin Girl indirimbo yarataga ubwiza bw’abakobwa b'ibikara yaje gukundwa cyane ku cyigero kiri hejuru ubwo yasohoraga amashusho yayo arimo abategarugori b'ibyamamare barimo Kelly Rowland, Naomi Campbell, Lupita Nyongo, Queen Afua ndetse na nyina wa Beyonce witwa Tina Lawson.





TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Nyamamare3 years ago
    Murakoze kumakurumeza muduhaye





Inyarwanda BACKGROUND