RFL
Kigali

Perezida wa CAF Ahmad Ahmad yanduye Coronavirus

Yanditswe na: SAFARI Garcon
Taliki:30/10/2020 14:56
0

Impuzamashyirahamwe y'umupira w'amaguru muri Afurika CAF yamaze gutangaza ko umuyobozi wayo mukuru, Ahmad Ahmad yanduye Coronavirus nyuma yo kuva mu ruzinduko yagiriye muri Morocco.



CAF yatangaje ko Ahmad Ahmad yavuye muri Morocco mu mikino ya Confederations Cup, ku wa Gatatu tariki 28 Ukwakira 2020 agaragaza bimwe mu bimenyetso bya Coronavirus, ahita yihutira gusuzumwa.

Ibisubizo byavuye mu bizamini byafashwe Perezida wa CAF, byagaragaje ko yanduye Coronavirus.

Uyu muyobozi yahise yishyira mu kato k'iminsi 14 agiye kumara muri Hoteli.

CAF yasabye abantu bose bahuye n'uyu muyobozi mu minsi irindwi ishize, cyane cyane abo bahuriye mu ruzinduko yarimo muri Morocco mu mikino ya CAF Confederations Cup, kwihutira kwisuzumisha kugira ngo bamenye uko bahagaze birinde ikwirakwira ry'iki cyorezo.

Perezida wa CAF yiyongereye ku bindi byamamare muri ruhago ku Isi byanduye Coronavirus, uwaherukaga ni Perezida wa FIFA Gianni Infantino nawe ubu uri mu kato, nawe akaba yarakurikiye Cristiano Ronaldo ufatwa nk'umukinnyi wa mbere ku Isi muri ruhago, wasanzwemo iki cyorezo ubwo yari mu mwiherero w'ikipe y'igihugu ya Portugal.

Ubutumwa CAF yasohoye bumenyesha ko Perezida Ahmad yanduye Coronavirus

Nyuma yo kuva muri Morocco Ahmad Ahmad uyobora CAF yasanzwemo COVID-19





TANGA IGITECYEREZO

Izina ryawe
Email yawe
Andika igitecyerezo

Inyarwanda Art Studio

Inyarwanda Art studio
Inyarwanda BACKGROUND